මේ අලුත් අවුරුද්ද සමරණ වෙලාවේ අප රටේ දශලක්ෂ සංඛ්යාත ජනතාව දුෂ්කරතා අගහිඟතා රැසකින් පෙළෙන බවත් බලාපොරොත්තු රැසක් මැද ආණ්ඩුව පත් කර ගත්තත් කියපු දේ නොකරන ජනතාව රවටන ජනතාව අන්දවන බොරුකාර රැවටිලිකාර පච ආණ්ඩුවක් බවට වාර්තා තබා ඇති බවත් බඩු මිල අඩු කරන පොරොන්දුව කඩ කළ නිසා හාල් කිරිපිටි අත්යවශ්ය ආහාර පාන වල මිල ඉහළ ගොස් ඇති බවත් විපක්ෂ නායකවරයා පැවසීය.Sri Lanka Latest News
මැතිවරණ වේදිකාවේ මන්තරය වගේ බොරුව ජප කළ බවත් දැනුත් පච කියමින් නැවත වරක් ජනතාව රවටන්න සූදානම් බවත් මේ වන විට රටේ බහුතරයක් කලකිරීමකට පත්ව ඇති බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ මින්නේරිය, ඇලහැර ප්රදේශයේ පැවැති ජන හමුවක් අමතමිනි
විදුලි බිල 33%කින් අඩු කරනවා කිව්වත් ජනතා විරෝධය මත එය 20%කින් අඩු කළත් තවත් 13%ක් අඩු කරන්න ඇති බවත් තෙල් මිල සම්බන්ධයෙන් ද පැවසුවේ එවැනිම කතා බවත් අල්ලස් දුෂණය හොරකම නිසා තෙල් මිල වැඩියි කිව්වත් තවමත් එය අඩු නොවුණු බවත් මේ පච ආණ්ඩුව මේ යුතුකමත් පැහැර හැරි බවත් IMF ගිවිසුම පවා වෙනස් කරනවා කිව්වත් එයද නොවු බවත් විපක්ෂ නායකවරයා පැවැසීය.
කෝ උපාධිධාරීන්ට දෙනව කිව්ව රැකියා
35000ක් උපාධිධාරීන්ට පළමු අයවැයෙන්ම රැකියා දෙන බව පැවසුවත් එය ද නොවු බවත් පාසල් උපකරණ හා අත්යාවශ්ය ආහාරවල වැට් අඩු කරනවා කිව්වත් එය ද නොවු බවත් තවමත් පොහොර සහනාධාරය නොලැබුණු බවත් මේ වන විට පොහොර මිල ද වැඩි වන තත්ත්වයක් මතුව ඇති බවත් විපක්ෂ නායකවරයා වැඩිදුරටත් පැවසීය.
ගොවියට ගුණාත්මක භාවයෙන් ඉහළ පොහොර ටිකවත් දී ගන්න බැහැ
අලි මිනිස් ගැටුම, ගංවතුර නිසා සිදු වු වගා හානි තවමත් නොලැබ ඇති බවත් අලිමිනිස් ගැටුම වළක්වන්න සැලසුමක්වත් නොමැති බවත් අදටත් ගොවියාට ලැබෙන්නේ ප්රමිතියකින් අඩු පොහොර බවත් මේ ආණ්ඩුව 24 පැයේම පච දොඩවන ආණ්ඩුවක් බවත් ලක්ෂ 220 ජනතාව මෝඩයෝ ගණට අන්දවා ඇති බවත් විපක්ෂ නායකවරයා වැඩිදුරටත් පැවසීය.
පුනර්ජනනීය බලශක්තියත් විනාශ කරන මෙහෙයුමක ආණ්ඩුව ඉන්නේ
විදුලි බල උත්පාදනය පුනර්ජනනීය බලශක්තිය හරහා සිදු කරන විට ලාභදායී වුවත් වත්මන් රජය පුනර්ජනනීය බලශක්තිය විනාශ කර ඉන්ධන, තාප සහ ගල්අඟුරු බලාගාර මාෆියාවකට හසු වී ඇති බවත් මාලිමා ප්රතිපත්ති ප්රකාශයේ පවා පුනර්ජනනීය බලශක්තිය සදහා මුල්තැන ලබා දෙනවා කිව්වත් අද පුනර්ජනනීය බලශක්තිය විනාශ කරන මෙහෙයුමක නිරතව ඇති බවත් එවිට වැඩි මුදලක් ලබා දී ඉන්ධන බලාගාරවලින් වැඩි මිලකට විදුලිය ගන්න වෙන බවත් මෙය ජනතාව අතරමං කිරීමක් බවත් විපක්ෂ නායක සජිත් ප්රේමදාස මහතා පැවසීය.
