මුදල් අමාත්යාංශයේ ලේකම් මහින්ද සිරිවර්ධන මහතා විසින් පසුගියදා පාර්ලිමේන්තු කාරක සභාවේදී කළ හෙළිදරව්ව ආන්දෝලනයට තුඩු දී ඇත්තේ රට කිසි දිනෙක බංකොලොත් බව නිල වශයෙන් ප්රකාශයට පත් නොකළ බව ය. සැප්තැම්බර් මාසය වන විට ශ්රී ලංකාව බංකොලොත් භාවයෙන් මිදීමේ අරමුණ ඇති බවට ජනාධිපති රනිල් වික්රමසිංහ මහතා කලින් දුන් සහතිකයට පටහැනිව, එම ප්රකාශය හුදෙක් තෝරාගත් ණය ගෙවීමට ඇති නොහැකියාව පෙන්නුම් කරන බව සිරිවර්ධන අවධාරණය කළේය.Sri Lanka Latest News
උද්ධමනය වැඩිවීමක් සහ විදේශ සංචිත අඩුවීමක් ගැන පුරෝකථනය කරමින් 2022 වසරේදී මහ බැංකුවේ මූල්ය මණ්ඩලය විසින් මුදල් අමාත්යවරයා වෙත රහස්ය වාර්තාවක් ඉදිරිපත් කර ඇති බව ද විශ්මිත හෙළිදරව්වකින් සිරිවර්ධන හෙළි කළේය.
මුදල් අමාත්යාංශ ලේකම්වරයා සහ මුදල් අමාත්යවරයා ලෙස ද කටයුතු කරන ජනාධිපතිවරයා අතර පවතින පරස්පරතාව රටේ මූල්ය තත්ත්වය පිළිබඳ රජයේ සන්නිවේදනය පිළිබඳව ප්රශ්න මතු කරයි. ජූනි මස ශ්රී ලංකා අධ්යක්ෂවරුන්ගේ ආයතනයේ AGM හි ජනාධිපති වික්රමසිංහගේ ප්රසිද්ධ ප්රකාශය බංකොලොත් භාවයෙන් මිදීමේ සාමූහික ආශාව පෙන්නුම් කළේය. කෙසේ වෙතත්, සාමාන්ය ජනතාවට බංකොලොත්භාවය ප්රකාශ කළ නොහැකි බවට සිරිවර්ධන මහතාගේ ප්රකාශය එවැනි ප්රකාශයන්හිදී රජයේ කාර්යභාරය අවධාරණය කරයි.
ජාතිය මැතිවරණ වර්ෂයකට එළැඹෙන විට, ජනාධිපතිවරයාගේ ශුභවාදී භාවය සහ මුදල් අමාත්යාංශ ලේකම්වරයාගේ හෙළිදරව්ව අතර ඇති නොගැලපීම, පවතින ආඛ්යානයට සංකීර්ණතා ස්ථරයක් එක් කරයි. මෙම තීරණාත්මක කාල පරිච්ෙඡ්දය තුළ රජයේ ඉහළ පෙළේ නිලධාරීන් විසින් බෙදා හරින ලද තොරතුරුවල විනිවිදභාවය සහ නිරවද්යතාවය ගැන මෙනෙහි කිරීමට මහජනතාවට ඉතිරිව ඇත.
මාස 7කට පෙර ජනාධිපතිවරයා කළ ප්රකාශය සහ මාධ්ය ඒකකයෙන් නිකුත් කළ නිවේදනය!
ශ්රී ලංකාවට වත්මන් ආර්ථික අර්බුදයෙන් ගොඩ ඒමට පමණක් නොව අනාගතයේදී වඩා තරගකාරී ආර්ථිකයක් නිර්මාණය කිරීමට ණය ප්රශස්තකරණ වැඩපිළිවෙළ ඉතා වැදගත් බව ජනාධිපති රනිල් වික්රමසිංහ මහතා අවධාරණය කළේය.
මෙම වැඩපිළිවෙළ හරහා ලබන සැප්තැම්බර් මාසය වන විට ශ්රී ලංකාවට බංකොලොත් භාවයෙන් මිදීමට හැකිවනු ඇතැයි පැවසූ ජනාධිපතිවරයා රජයේ එම ප්රයත්නයන්ට සහාය දැක්වීමට සාමූහිකව එක්වන්නැයි තමා සියලුදෙනාගෙන් ඉල්ලා සිටින බව ද පැවසීය.
ජනාධිපති රනිල් වික්රමසිංහ මහතා මේ බව සඳහන් කළේ පසුගිය 29දා කොළඹ සිනමන් ග්රෑන්ඩ් හෝටලයේ පැවති ශ්රී ලංකා අධ්යක්ෂවරුන්ගේ ආයතනයේ (SLID) මහා සභා රැස්වීම අමතමිනි.
ණය ප්රශස්තකරණ වැඩපිළිවෙළ සාර්ථක කර ගැනීමේ අවශ්යතාව මෙහිදී පැහැදිලි කළ ජනාධිපති රනිල් වික්රමසිංහ මහතා තමන් මේ වන විටත් අමාත්ය මණ්ඩල සාමාජිකයින්, බැංකුකරුවන්, වාණිජ මණ්ඩල නියෝජිතයින් සහ වෘත්තීය සමිති නියෝජිතයින් සමඟ ඒ පිළිබඳ සාකච්ඡා කර ඇති බව ද පැවසීය.
එහිදී වැඩිදුරටත් අදහස් දැක්වූ ජනාධිපති රනිල් වික්රමසිංහ මහතා;
ලබන සැප්තැම්බර් මාසය වන විට ශ්රී ලංකාවට බංකොලොත් භාවයෙන් මිදීමට හැකිවනු ඇතැයි මම බලාපොරොත්තු වෙනවා. ඔබ සිංහල වේවා, දෙමළ වේවා, මුස්ලිම් වේවා, වෙනත් ජාතියක වේවා බංකොලොත් යැයි කියන්න කිසිවෙක් කැමති නැහැ. පුද්ගලයන් වශයෙන් ඔබ එයට අකමැති නම් ඔබට සාමුහිකව මෙම ලේබලය අලවා ගැනීමට අවශ්ය නොවන බව මම දන්නවා. ඒ නිසා මෙම බංකොලොත්භාවය යන ලේබලය ඉවත් කර ගැනීමට අප සියලුදෙනා සාමූහිකව කටයුතු කළ යුතුයි.
පසුගිය නොවැම්බර් මාසයේ දී අප “දේශගුණික සෞභාග්ය සැලැස්ම” ඉදිරිපත් කළා. දැන් එය ක්රියාත්මක කිරීම සඳහා සම්පත් අවශ්යයි. එම සම්පත්වලින් අඩක් රාජ්ය අංශයෙන් ද අනෙක් කොටස පෞද්ගලික ආයෝජනවලින් ද සපුරා ගැනීම අපේ අපේක්ෂාවයි. එසේ නම් අප මෙම වැඩපිළිවෙළ සමඟ ඉදිරියට යා යුතුයි. අප මෙයින් ඉවත් වුවහොත් ලෝක බැංකුවෙන් අපට ලබාදීමට නියමිත ඩොලර් මිලියන 700ක් අහිමි වෙනවා. ඒ වගේම ජාත්යන්තර මූල්ය අරමුදල සමග දෙවන සමාලෝචනය ද අසාර්ථක වේවි.
ඒ වගේම ප්රංශයේ පැරිස් නුවර පැවති නව ගෝලීය මූල්ය ගිවිසුමක් සඳහා වන ලෝක නායකයන්ගේ සමුළුවට සහභාගී වීමට මට අවස්ථාව ලැබුණා. ණය සහ දේශගුණික විපර්යාසවලට ඔරොත්තු දීමේ හැකියාව පිළිබඳ මෙහිදී අවධානය යොමු වුණා. රටවල් ණය බරින් පීඩා විඳින විට දේශගුණික විපර්යාසවලට ඔරොත්තු දීමේ හැකියාව අඩු වෙනවා.
මෙම සමුළුට අපට ආරාධනා කරනු ලැබුවේ මෙම ක්ෂේත්රය තුළ අප මෙතෙක් අත්කරගෙන තිබෙන සාර්ථකත්වය සහ ඒ සඳහා ලබාදී ඇති දායක්තවය නිසයි. එසේම ඉදිරියේ දී ශ්රී ලංකාවට ණය තිරසරභාවය සහ දේශගුණ විපර්යාසවලට ඔරොත්තු දීමේ ක්ෂේත්රයේ වඩා ක්රියාකරී භූමිකාවක් ඉටු කිරීම ආරම්භ කිරීමට හැකිවනු ඇතැයි මම විශ්වාස කරනවා.
ශ්රී ලංකාවට වර්ධන න්යාය පත්රයක් තිබෙන අතර ඒ සඳහා අප ප්රථමයෙන් ණය ප්රතිව්යුහගත කිරීමකට යා යුතුයි. මම ඒ පිළිබඳ කැබිනට් මණ්ඩලය සමඟ සාකච්ඡා කළා. එසේම මේ වන විට අප බැංකුකරුවන්, වාණිජ මණ්ඩල නියෝජිතයන් වගේම වෘත්තීය සමිති හමුවී මේ පිළිබඳ සාකච්ඡා කර තිබෙනවා.
පසුගිය ආර්ථික අභියෝගය හමුවේ අප සියලුදෙනා දුෂ්කරතාවන්ට මුහුණ දුන්නා. දැන් අප වර්ධන න්යාය පත්රයක් සමඟ ඉදිරියට යා යුතුයි. රටේ ආර්ථිකය පුළුල් කරන විට සාධාරණත්වය ද තිබිය යුතුයි. කිහිප දෙනෙකුට ධනවත් වීමට නොහැකි අතර අනෙක් අයට අඩු ආදායම්ලාභී හෝ මධ්ය අදායාම්ලාභීන් ලෙස සිටිය නොහැකියි. ඒ නිසා ණය ප්රතිව්යුහගතකරණය අවසන් කළ පසු, අපගේ සමාජ වගකීම කුමක්ද කියා සාකච්ඡා කරන ලෙස මම වාණිජ මණ්ඩල, වෘත්තිකයින්, වෘත්තීය සමිති, ගොවි ජනතාව ඇතුළු සියලු පාර්ශ්වයන්ගෙන් ඉල්ලා සිටිනවා. සියලුදෙනා මෙයට දායකකරගත යුතුයි. සියලුදෙනාට මෙහි ප්රතිලාභ ලැබිය යුතුයි.
ණය ප්රශස්තකරණ වැඩසටහන පිළිබඳ ඔබගේ සාමාජිකයන් දැනුවත් කරන ලෙස මම ඔබ සියලුදෙනාගෙන් ඉල්ලා සිටිනවා. මේ සම්බන්ධයෙන් බිය වීමට කිසිදු දෙයක් නැති බවත් මෙය ශ්රී ලංකාවේ ආර්ථිකය ගොඩනැංවීමේ ප්රධාන කොටසක් බවත් ජනතාවට අවබෝධ කර දිය යුතුයි. රටේ මෙම තීරණාත්මක අවධිය පසුකර අප ඉදිරියට යා යුතුයි. ශ්රී ලංකාවට වත්මන් ආර්ථික අර්බුදයෙන් මිදීමට පමණක් නොව, වඩා තරගකාරී ආර්ථිකයක් සඳහා යොමුවීමටත් මෙමගින් හැකියාව ලැබෙනවා.
තවද අග්නිදිග සහ නැගෙනහිර ආසියානු වෙළෙඳපොළට ශ්රී ලංකාව ඇතුළත් කරන කලාපීය විස්තීරණ ආර්ථික හවුල්කාරිත්වය වන RCEP හා සම්බන්ධවීමට ඉදිරි මාසයේ දී අප අයදුම්පතක් යොමු කරනවා. ඒ වගේම නිදහස් වෙළෙඳ ගිවිසුම් වැඩිදියුණු කිරීම පිළිබඳ අප ඉන්දියාව සමඟ සාකච්ඡා කළා. පසුව යුරෝපා සංගමය සමඟ අපේ වෙළෙඳ ගිවිසුම් පුළුල් කරන්නේ කෙසේද යන්න පිළිබඳවත් අපි සාකච්ඡා කරනවා. අපි තරගකාරි ආර්ථිකයක් බවට පත්විය යුතු අතර මේ එහි ආරම්භය බව කිවයුතුයි.
මහාචාර්ය මෛත්රී වික්රමසිංහ මහත්මිය සහ ශ්රී ලංකා අධ්යක්ෂවරුන්ගේ ආයතනයේ සාමාජික සාමාජිකාවන් මීට එක්ව සිටියහ.
