අනුරාධපුර දිස්ත්රික්කයේ මිහින්තලය සීප්පුකුලම අඹගහ වැව ප්රදේශයේ වන අලියකු පුච්චා දමන්න යම් කණ්ඩායමක් කටයුතු කර ඇති බවත් මෙය නීච නින්දිත පහත් ක්රියාවක් ලෙස දකින බවත් මේ පාපතර ක්රියාව ක්රියාත්මක කළ සියලුම දෙනා නිතිය හමුවට ගෙන ආ යුතු බවත් මේ සාපරාදී ක්රියා වැළැක්වීමට රජය ප්රමුඛ වන ජිවී දෙපාර්තමේන්තුවත් සිවිල් ජනතාව ඇතුළු සියලු දෙනාත් එකට එක්ව කටයුතු කළ යුතු බවත් විපක්ෂ නායක සජිත් ප්රේමදාස මහතා අද විශේෂ ප්රකාශයක් සිදු කරමින් පැවසීය.Sri Lanka Latest News
එසේම මේ රෝගාතුර ඇතාට ප්රතිකාර කළ වන ජීවී වෛද්යවරුන් සහ නිලධාරීන්ට සිය ගෞරවය පුද කරන බවත් ඔවුන්ගේ කාර්යට ස්තූතිවන්ත වන බවත් මෙවන් සාපරාදී නින්දිත පහත් ක්රියාවන් රටම හෙළා දැකිය යුතු බවත් මේ පව්කාර ක්රියාවන් නතර කළ යුතු බවත් විපක්ෂ නායකවරයා පැවසීය.
මේ නීච නින්දිත පහත් ක්රියාවට සම්බන්ධ වූ අයව නීතිය හමුවට ගෙන ඒමේ ක්රියාවලිය වහාම ක්රියාත්මක කර රටේ සියලු දෙනාම මෙවන් පහත් ක්රියාවන් සිදු කළ හොත් ඔවුන්ට නීතිය හමුවේ පිළිතුරු ලබා දීමට සිදුවන බව පෙන්විය යුතු බවත් පරිසරවේදියකු ලෙස මේ සම්බන්ධයෙන් තමා කණගාටුවන බවත් අප රටේ වන අලි මිනිස් ගැටුම වර්ධනය වෙමින් පවතින නිසා මෙය අවම කරන්න පැහැදිලි වැඩපිළිවෙළක් අවශ්ය බවත් ඒ සඳහා ප්රජා කේන්ද්රීය වැඩපිළිවෙළක අවශ්ය බවත් විපක්ෂ නායකවරයා මෙහි දී පෙන්වා දුන්නේය.
තවද වන අලි මිනිස් ගැටුම වැළැක්වීමේ වැඩපිළිවෙළ සාර්ථක කර මිනිසුන්ගේ සහ වන අලින්ගේ ජීවිත රැක ගන්නා වැඩපිළිවෙළකට සමගි ජන බලවේගය ද සහයෝගය ලබා දෙන බවත් වහාම ක්රියාත්මක වන පරිදි සම්පත් හිගතාවයෙන් පෙළෙන වනජිවී දෙපාර්තමේන්තුව ශක්තිමත් කර මානව හා භෞතික සම්පත් ලබා දී අලි මිනිස් ගැටුම වළක්වන ජාතික වැඩපිළිවෙළ ක්රියාත්මක කළ යුතු බවත් අලි මිනිස් ගැටුම සහ වන සත්ව මිනිස් ගැටුම සිදුවන ප්රදේශ හදුනා ගෙන පාසලේ සිට දැනුවත් කිරීමේ ජාතික වැඩසටහනක් ක්රියාත්මක කළ යුතු බවත් විපක්ෂ නායකවරයා පෙන්වා දුන්නේය.
අලි මිනිස් ගැටුම වළක්වන්න පැහැදිලි වැඩපිළිවෙළක් ක්රියාත්මක කරන්න රජය අපොහොසත් වි ඇති නිසා කඩිනම් ජාතික වැඩපිළිවෙළකට යොමු විය යුතු බවත් විපක්ෂ නායක සජිත් ප්රේමදාස මහතා වැඩිදුරටත් පැවසීය.
Sri Lanka Latest News
