තම නිවෙසට ගිනිතැබුවේ ජනතා විමුක්ති පෙරමුණට සම්බන්ධ පිරිසක් බව පාර්ලිමේන්තු මන්ත්රී ඩබ්.ඩී. වීරසිංහ මහතා පසුගිය දින කිහිපයේම පාර්ලිමේන්තුවේදී චෝදනා එල්ල කළා.
එසේම පෞද්ගලික රූපවාහිනී නාලිකාවක දේශපාලන සංවාදයකට පැමිණි අවස්ථාවේදීද ඔහු සඳහන් කළේ ජනතා විමුක්ති පෙරමුණේ සාමාජිකු වන රජිත් ආරියපාල නමැත්තා මෙම ගිනිතැබීමට ඍජුව සම්බන්ධ බවයි.
එහෙත් එම චෝදනා සම්පූර්ණයෙන් අසත්ය බව ජනතා විමුක්ති පෙරමුණේ පාර්ලිමේන්තු මන්ත්රී විජිත හේරත් මහතා ඊයේ (20) පාර්ලිමේන්තුවේදී අවධාරණය කළා.
රජිත් අරියපාල නමැත්තා ඩබ්.ඩී. වීරසිංහ මහතාගේ ළඟම හිතවතකු බවත්, ආරියපාල මහතා සමග තිබෙන පෞද්ගලික අමනාපකමක් හේතුවෙන් ඔහුට වීරසිංහ මහතා මෙම චෝදනාව එල්ල කරන බවත් විජිත හේරත් මහතා පෙන්වා දුන්නා.
රජිත් ආරියපාල සහ ඩබ්.ඩී. වීරසිංහ එකට දේශපාලන පෙළපාලිවලට සහභාගි වී ඇති ආකාරය දැක්වෙන ඡායාරූපද විජිත හේරත් මහතා එහිදී මාධ්ය වෙත ඉදිරිපත් කළා.
