පෙරටුගාමී සමාජවාදී පක්ෂය විසින් අගුණකොලපැලැස්ස ප්රදේශයේ සංවිධාන කළ සම්මන්ත්රණයකට ජාතික ජනබලවේගයේ නියෝජිතයින් පිරිසක් පැමිණ විරෝධය එල්ල කර නවතා දමා තිබේ.Sri Lanka Latest News
දිස්ත්රික්කයේ කිසි තැනෙක මෙවන් රැස්වීම් පවත්වන්නට ඉඩ නොතබන බවත් විරෝධය එල්ල කල පිරිස් පැවසූහ.
‘ගොවිතැනේ කුඩිත්තෝ සහ අම්බරුවෝ’ යන තේමාවෙන් මෙම සම්මන්ත්රණය සංවිධාන කරන තිබුනේ ගොවි ජනතාව මුහුණ දී සිටින ගැටලු සම්බන්ධයෙන් සාකච්ඡා කිරීම සඳහා බව එම පක්ෂය සදහන් කරයි.
ඇති වූ උණුසුම් තත්ත්වය මත එම සම්මන්ත්රණය අත්හිටුවා එම ස්ථානයෙන් පිටව යාමට සංවිධායකයන් කටයුතු කලහ.
සමුළුවට එරෙහිව විරෝධතා දැක්වූ පුද්ගලයින් කණ්ඩායම අතර සිටි සමස්ත ලංකා ගොවිජන සම්මේලනයේ හම්බන්තොට දිස්ත්රික් සංවිධායක සුනිල් රත්නායක මහතා පැවසුවේ ගොවීන්ට සහ පාරිභෝගිකයින්ට ද පිළිගත හැකි සාධාරණ සහතික මිලක් රජය විසින් ලබා දී ඇති බවයි.
“මෙම රජය බලයට පත් කළේ ගොවීන් විසින්, දැන් ඔවුන්ට වී සඳහා සාධාරණ මිලක් ලැබී තිබේ. පෙරටුගාමී පක්ෂය රජයේ ඉදිරි ගමන කඩාකප්පල් කිරීමට උත්සාහ කරයි. අපි එයට ඉඩ නොදෙමු”
සමුළුවේ කැඳවුම්කරු විමල් වත්තුහේවා පැවසුවේ ජනතා විමුක්ති පෙරමුණ ප්රචණ්ඩත්වයට සුපුරුදු නැඹුරුව පෙන්නුම් කර ඇති බවත්, සමුළුව අත්හිටුවීමට බල කෙරුණු බවත්ය.
බහුජාතික සමාගම් සහ මහා පරිමාණ සහල් මෝල් හිමියන් විසින් ආධිපත්යය දරන කෘෂිකාර්මික අංශයට බලපාන ගැටළු තේරුම් ගැනීමට ජනතා විමුක්ති පෙරමුණට නොහැකි බව ඔහු පැවසීය.
