අභාවප්රාප්ත, ප්රවීණ රංගන ශිල්පිනී මාලනී ෆොන්සේකා මහත්මියගේ අවසන් කටයුතු රාජ්ය ගෞරවය සහිතව පවත්වන බව ආණ්ඩුව පැවැසුවද, අවසානයේ එය රාජ්ය අනුග්රහයෙන් සිදුවීම සම්බන්ධයෙන් පාර්ලිමේන්තු මන්ත්රී දයාසිරි ජයසේකර මහතා සිය කනගාටුව පළකරනවා. මාධ්ය හමුවකට එක්වෙමින් ඒ මහතා මේ සම්බන්ධයෙන් දැක්වූ අදහස් පහත පළවේ. Sri Lanka Latest News
‘අපි කනගාටු වෙනවා මේ රටේ නිළි රැජින, අපේ රටට අතිවිශාල සේවයක් කරපු අවුරුදු 60ක් මේ රටේ ජනතාවගේ සිත් සනසපු ආදරණීය මාලනී ෆොන්සේකා මැතිනියගේ වියෝව සම්බන්ධයෙන්. මේ ක්රියාවලිය තුළ අපි දකින කාරණාවක් තමයි ආණ්ඩුව මේ සම්බන්ධව ගත්ත පියවරයන් පිළිබඳ අපිට විශාල කනගාටුවක් තියෙනවා. එක පැත්තකින් ඔවුන් කිව්වා මේක පූර්ණ රාජ්ය අනුග්රහය කියලා. නමුත් අපි දැක්කා පූර්ණ රාජ්ය අනුග්රහය කියන එක විස්තර කරන්න කැමැතියි. මොකද රාජ්ය අනුග්රහයක් දෙනකොට කරුණු කීපයක් තිබෙනවා. පූර්ණ රාජ්ය අනුග්රහය කියලා කියන්නේ ආචාර වෙඩිමුර 21ක් තබලා, හමුදාවට මේ දේහය භාරදීලා, ඔවුන්ගේ ආරක්ෂාව යටතේ මේ සියලු කාරණා කරන්න. ඒ වගේම ශ්රී ලාංකික කොඩිය අඩකුඹු කරන්න. අවශ්ය නම් දවසක නිවාඩු දිනයක් බවට පත්කරන්න. මේවා තමයි පූර්ණ රාජ්ය ගෞරව කියන එකෙන් අදහස් වෙන්නේ.
රාජ්ය අනුග්රහය කියන එකෙන් එවැනි තත්ත්වයක් අදහස් වෙන්නේ නෑ. සාමාන්යයෙන් වියදම් ටික සඳහා වගේම ඒ ක්රියාවලිය සම්බන්ධව මැදිහත් වීම. මේක තමයි අද රාජ්ය අනුග්රහය විදියට දකින්නේ. ඇත්තටම රාජ්ය ගෞරවයට වඩා මම හිතන්නේ රාජ්ය අනුග්රහයක් ආණ්ඩුව දැක්වූවා කියන එකයි මට තේරෙන්නේ. මොකද හේතුව අපි දැක්කා අමරදේවයන්ගේ රාජ්ය ගෞරවයේ තිබෙන අවස්ථාවේ රජය ක්රියා කළ ආකාරය. ඒ වගේම රාජ්ය ගෞරව සහිතව ලෙස්ටර් ජේම්ස් පීරිස් මැතිතුමාගේ අවසන් කටයුතු සිදුකළ ආකාරය. ඒ වගේම මාලනී ෆොන්සේකා මැතිනියගේ රාජ්ය ගෞරවය සහිතව තිබුණු තත්ත්වයන් තුන ඡායාරූප තුනක් විදියට අරන් බැලුවොත් ඔබට පෙනේවි මේ ආණ්ඩුව ඇත්ත වශයෙන් විශාල වංචාවක් මේ ක්රියාදාමය තුළ සිද්ධ කරලා තිබෙනවා. කරන්න බැරි නම් එතුමියගේ ක්රියාවලිය අගය කරන්න බැරිනම් ඒවා නොකර ඉන්න තිබුණා. මේ රටේ සුවහසක් ජනීජනයා රසික රසිකාවන් වැල නොකැඩී ඇයව බලන්න ආවා ඒ කාලවකවානුව තුළ.
අපි මේ මරණය විකුණාගෙන කනවා නෙවෙයි, නැත්නම් මරණය පාවිච්චි කරලා දේශපාලනය කරනවා නෙවෙයි. අපිට තිබෙන වේදනාව වෙන දෙයක් නෙවෙයි. ඇයව පාවිච්චි කරපු හැටි මේ පාර්ලිමේන්තුවේ නලින්ද ජයතිස්ස. ඔබට මතක ඇති ඇයගේ නම ඉදිරිපත් කළා ජනාධිපති අරමුදලෙන් මුදල් වංචා කරපු අයගේ ලැයිස්තුවට. ඒ අනුව ඩබ්ලිව්.එම්.එස්. ෆොන්සේකා කියලා කිව්වා. එහෙම කියලා කිව්වා මේ සරත් ෆොන්සේකා නෙවෙයි කියලා. ඒකෙන් අදහස් කරන්නේ සරත් ෆොන්සේකා ඊට වඩා වැඩි වෙන්න පුළුවන් කියන එක. මාලනී ෆොන්සේකා ඒ තරම් නොවෙයි කියන එකයි ඔවුන්ගේ අදහස වෙලා තිබුණේ…’
