ජනාධිපතිවරු අගමැතිවරු ආණ්ඩු පත් කරන්නේ වසර 5කට තාවකාලික බාරකරුවන් ලෙස වුවත් ඔවුන් හැසිරෙන්නේ රටේම සින්නක්කර අයිතිය ඇති ලෙස බවත් ඔවුන් ලක්ෂ 220ට සැප ගමන දෙනවා වෙනුවට ලක්ෂ 220 තියපූ විශ්වාසයෙන් ඔවුන් සැප ගමනේ යන බවත් විපක්ෂ නායකවරයා පැවසීය. (Sri Lanka Latest News)
ආණ්ඩුවක වැඩ කිරීම සැප ක්රියාවක් ලෙස සිතුවත් සමගි ජන බලවේග රජයක් තුළ සැප විඳිනවාට වඩා ජනතාව වෙනුවෙන් සේවය කර රට බංකොලොත්භාවයෙන් මුදවා ගැනීමට කටයුතු කරනා බවත් ඒ වෙනුවෙන් අනාගත සමගි ජන බලවේග රජයක් තුළ මුදල් මෙන්ම සෙසු ගණුදෙනු ක්රියාත්මක වීමේ ක්රියාවලිය ඩිජිටල් කර විවෘතභාවයක් ඇති කරන බවත් එවිට කොමිස්, අයුතු අයකිරීම් ආදිය නිර්මාණය වීම නතර වන බවත් විපක්ෂ නායකවරයා මෙහි දි පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අනුරාධපුර කලාවැව තඹුත්තේගම මුදුනේගම මහා විද්යාලයට සක්වල සුහුරු පන්ති කාමර වැඩසටහනේ 187 වැනි අදියර යටතේ රුපියල් ලක්ෂ 10 වටිනා සුහුරු පන්ති කාමරයක් පරිත්යාග කිරීමේ අවස්ථාවට එක්වෙමිනි. මෙහිදි පාසලේ නර්තන කණ්ඩායම සදහා ඇදුම් සපයා ගැනිමට රුපියල් ලක්ෂයක මුදලක් ද පරිත්යාග කලේය.
සක්වල සහ හුස්මට භේද නැහැ
සක්වල හා හුස්ම යනු ජාති ආගම් භේදයකින් තොරව සිදු කරනා යහපත් ක්රියාවක් බවත් මේ යහපත් ක්රියාවත් විවේචනය කරමින් තමන්ට විවිධ අන්වර්තනාම පටබඳිමින් සිටින බවත් එසේ අන්වර්තනාම පටබඳින අයගේ දරුවන් යන්නේ පෞද්ගලික විශ්වවිද්යාල සහ පෞද්ගලික පාසල්වලට බවත් මොවුන් ඉතා කුහක කොට්ඨාසක් බවත් සමාජවාදය හා පොඩි මිනිසා යනුවෙන් පෙනී සිටිනවා යැයි ජනතාවට යමක් ලබා දෙන විට එය කුරිරු ලෙස විවේචනය කරනා බවත් විපක්ෂ නායකවරයා මෙහි දී පැවසීය.
එමෙන්ම තමා පරිගණක, ශබ්දකෝෂ, සුහුරු පුවරු හා මුදල් පාසල්වලට ලබා දීම වරැද්දක් වී අනුන්ගෙන් සෙරෙප්පු, සපත්තු, කලිසම්, ඇදුම් ලබා ගැනීම නිවැරැදි වන්නේ කෙසේද කියා සිතාගත නොහැකි බවත් විපක්ෂ නායක සජිත් ප්රේමදාස මහතා තවදුරටත් පැවසීය.
මට කියන ඕනෑම දෙයක් විඳදරා ගන්න පුළුවන්
තමාට මොන දේ කිව්වත් එය විඳ දරා ගැනිමේ හැකියාවක් පවතින බවත් ජනතාව මේ අවස්ථාවේ බුද්ධිමත්ව සිතිය යුතු බවත් කෝටිපතියන්ට බදු සහන ලබා දී රට බංකොලොත් කර ඇති මේ මොහොතේ හැමදාම ඔවුන්ට බැන බැන නොසිට බංකොලොතේභාවයෙන් ගොඩ ආ යුතු බවත් විපක්ෂ නායකවරයා පැවසීය.
අධ්යාපනය මෙන්ම කෘෂිකර්මාන්තයත් සුහුරු විය යුතුයි
අධ්යාපනය මෙන්ම කෘෂිකර්මාන්තය ද සුහුරු විය යුතු බවත් යාන්ත්රීකරණය තුළ යම් අගතිගාමී දේවල් ඇති බවත් මේ නිසා මිනිස් ශ්රමය අහිමි වුවත් ඉඩමක් නොමැති කුලී වැඩ කළ අයට පවා ඉඩමක් ලබා දී අපනයන කේන්ද්රිය කෘෂිකර්මාන්තයකට යොමුවීමට කටයුතු කළ යුතු බවත් විපක්ෂ නායකවරයා පැවසීය.
ගෝඨාභයට වැරදුනේ මෙතනයි
වසර 11ක් කන්න 22ක් බතලේගොඩ පර්යේෂණ ආයතනය පර්යේෂණයේ ප්රතිඵල නොසලකා කාබනික පොහොර භාවිතයට ගෝඨාභය රාජපක්ෂ ජනාධිපතිවරයා ගත් තීරණය වැරදි බවත් කාබනික පොහොර පමණක් භාවිත කරන විට අස්වැන්න අඩු වන බවත් අස්වැන්න වැඩි කර ගැනීමට නම් කාබනික මෙන්ම රසායනික පොහොර සමසමව යොදා ගත යුතු බවත් මෙවැනි විද්යාත්මක තොරතුරු තිබියදී ඒවා නොසලකා ගත් තීරණයක් නිසා කෘෂිකර්මාන්තය විනාශ වූ බවත් විපක්ෂ නායකවරයා මෙහි දී පැවසීය.
සමගි ජන බලවේගය විසින් ක්රියාත්මක කරන හුස්ම වැඩසටහන යටතේ මේ වන විට රෝහල් 60කට රුපියල් ලක්ෂ 1832ක් වටිනා ඖෂධ සහ රෝහල් උපකරණත්, සක්වල බස් රථ වැඩසටහන යටතේ පාසල් 87 ක් සඳහා රුපියල් ලක්ෂ 50ක් වටිනා බස් රථ 87ක් ලබා දී ඇති අතර ඒ සඳහා රුපියල් ලක්ෂ 4242ක් ද සක්වල තොරතුරු තාක්ෂණ වැඩසටහන යටතේ පාසල් 187ක් සඳහා සුහුරු පන්ති කාමර උපකරණ ලබා දී ඇති අතර ඒ සඳහා රුපියල් ලක්ෂ 2067ක් වැය කර තිබේ.
