ලොව විශාලතම ජාත්යන්තර නාට්යය උළෙලක් ලෙස සැලකෙන නවදිල්ලි නාට්ය උළෙල හෙවත් ‘භාරත් රංග් මහෝත්සව්’ උළෙලෙහි ප්රදර්ශනය කිරීම සඳහා නාට්ය දහස් ගණනකින් කරන ලද තරගකාරී තෝරාගැනීමකින් අනතුරුව ශ්රී ලංකාවේ නාට්ය දෙකක් තෝරාගෙන ඇත. ඒ, බුද්ධික දමයන්තගේ ‘මට සිහිනයක් ඇත’ සහ චාමික හත්ලාවත්තගේ ‘කොළඹ හතේ තොරණ’ නාට්ය ද්විත්වයයි. මෙය ලංකාවේ නාට්ය කලාවට ජාත්යන්තර පරිමාණයෙන් හිමිවූ ගෞරවයක් ලෙස සැලකේ.Sri Lanka Latest News
කෙසේ වෙතත් මෙම නාට්ය ප්රදර්ශනය කිරීම සඳහා අවම වශයෙන් පෙබරවාරි 01 වැනිදා වනවිට අදාළ නාට්ය කණ්ඩායම් දෙක ඉන්දියාවට යායුතු වුවත් ඒ සඳහා අනුග්රහය දැක්වීමට සංස්කෘතික අමාත්යාංශයට මුදල් නොමැති බව පවසන බව රංගන ශිල්පී ජෙහාන් අප්පුහාමි පවසනවා. සමාජ මාධ්ය වෙත වීඩියෝවක් නිකුත් කරමින් ඔහු සඳහන් කරන්නේ ජාත්යන්තරය නියෝජනය කිරීමට අප රටට ලැබුණු ස්වර්ණමය අවස්ථාවක්, සංස්කෘතික කටයුතු අමාත්යාංශයේ මෙවැනි මන්දගාමී ක්රියාකලාපයන් හේතුවෙන් ගිලිහී ගියහොත් එය මෙරට වේදිකා නාට්ය ක්ෂේත්රයට සිදුවූ දැවැන්ත පාඩුවක් ලෙස ඉතිහාසගත වනු ඇති බවයි.
