ලංකාවේ අවුරුදු 15-29 අතර සිටින පුද්ගලයන්ගෙන් 2,63,274ක් පමණ කිසිදු රැකියාවක් නොකරන තත්ත්වයක සිටින බව ජන හා සංඛ්යාලේඛන දෙපාර්තමේන්තුව ඉදිරිපත් කර ඇති වාර්තාවකින් හෙළිව ඇතැයි පේරාදෙණිය විශ්වවිද්යාලයේ මානව ශාස්ත්ර සහ සමාජ විද්යා පශ්චාත් උපාධි අධ්යයන අංශයේ අධ්යක්ෂ සහ ආර්ථික විද්යාව පිළිබඳ මහාචාර්ය වසන්ත අතුකෝරල මහතා ‘මව්රට’ට පැවැසීය. (Sri Lanka Latest News)
මේ අය අතර වයස අවුරුදු 15-24 අතර 1,52,606ක් සිටින අතර, වයස අවුරුදු 25-29 අතර 1,10,668ක් පමණ සිටියි.
තවද ලංකාවේ සේවා වියුක්ත පිරිස අතර 1,84,406ක් පමණ අ.පො.ස. උසස් පෙළ හෝ ඊට වඩා ඉහළ සුදුසුකම් සහිත අය වේ.
අ.පො.ස. සාමාන්ය පෙළ සමත් අය 1,02,234ක් පමණ සිටින අතර, සාමාන්ය පෙළ අසමත් 86,822ක් පමණ සිටියි.
තවද ලංකාවේ සේවා වියුක්තිය සාපේක්ෂව කාන්තාවන් අතර ඉහළ මට්ටමක පවතින අතර, කාන්තා ශ්රම බළකා සහභාගිත්වයද සැලකිය යුතු පහළ අගයක පවතී.
මේ අනුව තරුණ කොටස් අතර සේවා වියුක්තිය පහත හෙළීම සඳහා රජය විසින් ක්රියාකළ යුතු වන අතර ඉහළ අධ්යාපනය ලත් පිරිස අතර සේවා වියුක්තිය පහළ හෙළීම සඳහා රජය විසින් අවශ්ය ප්රතිපත්ති සම්පාදනය කළ යුතුව ඇති බව මහාචාර්යවරයා පෙන්වා දුන්නේය.
එසේ නොවන්නේ නම් තරුණ කොටස් තුළින් ආර්ථිකයට ලබාගත හැකි දායකත්වය නොලැබී යනවා මෙන්ම රටේ තරුණ බුද්ධිමත් කොටස් සමාජයට වැඩදායක කොටස් බවට පත්කර ගැනීමට හැකියාවක් නොලැබේ.
ඒ තුළින් සමාජයට සිදුවන අහිමිවීම අතිවිශාල අගයක් ගන්නා බවද මහාචාර්යවරයා පැවැසීය.
ප්රේමලාල් විජේරත්න
