පානදුරයේ පැවති නාමල් රාජපක්ෂ මහතාගේ රැළියේ වේදිකාවට ගොඩ වු අමිල නිර්මාල් නම් තරුණයෙකු පිළිබඳ විශේෂ වර්ණනාවක් කළ හිටපු පාර්ලිමේන්තු මන්ත්රී සංජීව එදිරිමාන්න මහතා කියා සිටියේ එම තරුණයා සමගි ජන බලවේගයෙන් මහ මැතිවරණයට තරග කර මනාප ඡන්ද විසිහත් දහසක් ලබා ගත් බව ය.අද සිට ඔහු පොහොට්ටුවට එක් වු බව ද එදිරිමාන්න මහතා එහිදී කීවේ ය.Sri Lanka Latest News
එහෙත් එලෙස වේදිකාවට නැග්ග තරුණයා කිසිම දවසක සමගි ජන බලවේගයෙන් පාර්ලිමේන්තු මැතිවරණයකට තරග කර නැති බව අපි වගකීමෙන් ප්රකාශ කර සිටිමු.
2025 පැවති පළාත් පාලන මැතිවරණයේ දී මෙම අමිල නිර්මාල් නැමැති තරුණයාගේ මව නල්ලුරුව කොට්ඨාසයෙන් තරග කළ අතර මෙම තරුණයා එම කොට්ඨාසය නියෝජනය කරමින් සමගාමි ලැයිස්තුවට ඇතුළත්ව සිටියේ ය.එහිදි එම දෙදෙනාම මහන්සි වී ලබා ගෙන ඇත්තේ ඡන්ද 63ක් පමණී.
පළාත් පාලන මැතිවරණයේ දී මව සමග එකතුව තරගවැදී ඡන්ද 63ක් පමණක් ලබා ගත් පුද්ගලයෙකු පිළිබඳ මෙවැනි ප්රලාපයක් ගොතා කීවේ කුමන පදනමකින් දැයි පානදුර වැසියෝ වැඩිදුරටත් ප්රශ්න කරති.
බොහෝ නායකයන්ට පාර වරදින්නේ වටේ ඉන්න අය කරන කියන මෙවැනි බොරු මවා පැම් නිසා බවට ද අපි වැඩිදුරටත් පවසනු කැමැත්තෙමු.
සමගි ජනබලවේගයේ මාධ්ය අංශය (පානදුර ආසනය)
