පොළොන්නරුව, මැදිරිගිරිය, මිරිස්හේන, ධීවර ගම්මාන ප්රදේශයේ දී කාන්තාවකට වෙඩිතබා ඝාතනය කිරීමේ සිද්ධියට සම්බන්ධ සැකකරු අත්අඩංගුවට ගත් බව පොලිසිය පවසනවා. (Sri Lanka Latest News)
වෙඩි තැබීම සිදුකළ බව කියන සැකකරු ඊයේ (16) දින නීතිඥයකු මාර්ගයේ පොලිසියට භාරවීමෙන් අනතුරුවයි මෙලෙස අත්අඩංගුවට ගෙන ඇත්තේ.
ඔහු තිස්සපුර ප්රදේශයේ පදිංචි වයස අවුරුදු 42ක පුද්ගලයෙක් වන අතර, වෙඩි තැබීම සඳහා භාවිත කළ බෙහෙත් කොටන තුවක්කුව ද පොලිසිය විසින් සොයාගෙන තිබෙනවා.
අනියම් සම්බන්ධතාවක් මුල් කරගනිමින් 36 හැවිරිදි අදාළ කාන්තාවට සැකකරු විසින් පෙරේදා රාත්රියේ වෙඩිතබා ඝාතනය කර තිබුණා.
ඝාතනයට ලක්වූ කාන්තාවගේ සැමියා විදුලිසැර වැදීමකින් මීට මාස 04කට පමණ පෙර මියගොස් ඇති අතර, ඒ් වන විටත් අදාළ කාන්තාව ඇයට වඩා වයසින් ලාබාල තරුණයකු සමඟ අනියම් සම්බන්ධයක් පවත්වාගෙන ගොස් ඇති බවට තොරතුරු අනාවරණය වී තිබෙනවා.
එලෙස ලාබාල තරුණයා සමඟ සබඳතාව පවත්වන අතරතුර ඇය වෙඩිතැබීමේ සිද්ධියේ සැකකරු බව කියන තිදරු පියා සමඟ ද අනියම් ඇසුරක් ආරම්භ කර ඇති බවයි වාර්තා වන්නේ.
dasathalankanews
