වසර නවයක කාලයක් හෝමාගම ප්රදේශයේ පාසලක විදුහල්පති ධූරයේ කටයුතු කර ස්ථාන මාරුවක් ලැබ යන විදුහල්පතිවරයාට දෙමාපියන් විසින් ත්යාගයක් ලෙස ලබා දුන් ලක්ෂ තිස් එක් ලක්ෂයක මුදල භාර නොගෙන, එම මුදලින් අදාල විදුහලට නවීන සුහුරු පුස්තකාලයක් ඉදිකිරීමට කටයුතු කර ‘තෑග්ගෙන් තෑග්ග උතුම් තෑග්ග’යන කියමන පසක් කල අපූරු තරුණ විදුහල්පතිවරයෙක් පිළිබද හෝමාගම ප්රදේශයෙන් වාර්තා විය
හෝමාගම පිටිපන මහින්ද රාජපක්ෂ විද්යාලයේ විදුහල්පතිවරයා ලෙස වසර නවයක කාලයක් කටයුතු කල කසුන් ගුණරත්න මහතා ගම්පහ බණ්ඩාරනායක ජාතික පාසලේ විදුහල්පතිවරයා ලෙස ස්ථාන මාරැවක් ලැබ යාමට සිදුවූයේ වසර නවයක කාළයක් හෝමාගම මහින්ද රාජපක්ෂ විද්යාලයේ විදුහල්පති ලෙස කටයුතු කිරීමෙන් අනතුරුවය.
එලෙස වසර නවයක කාළයක් පුරා විද්යාලයේ දියුණුව වෙනුවෙන් කටයුතු කල විදුහල්පතිවරයා ට අමතක නොවන ත්යාගයක් ලබා දීමට සාකච්ඡා කල විද්යාලයීය දෙමාපිය එකතුව විසින් එකතු කරගත් රැපියල් ලක්ෂ තිස් එකක මුදලක් ත්යාගයක් ලෙස විදුහල්පති කසුන් ගුණරත්න මහතා වෙත පරිත්යාග කිරීමට කටයුතු කිරීමට යන බව විදුහල්පතිවරයා ට දැන ගන්නට ලැබී ඇත.
එම අවස්ථාවේදී අදාල දෙමාපියන් කැදවූ විදුහල්පතිවරයා එම මුදල ලබා ගැනීම ප්රතික්ෂේප කර ඉල්ලා ඇත්තේ එම මුදලින් විද්යාලයට මහත් අඩුපාඩුවක් ව පවතින නවීන සුහුරු පුස්තකාලයක් ඉදි කිරීමට කටයුතු කරන ලෙසයි.
ඒ අනුව එම යෝජනාවට එකගත්වය පල කල ආදි විද්යාලයීය දෙමාපිය එකමුතුව විසින් ඉතා අගනා පුස්තකාලයක් ඉදි කිරීමට කටයුතු කර ඇත.
එලෙස ඉදිකල නව සුහුරැ පුස්තකාලය පාසල් සිසුන් වෙත බාර දීම ස්ථාන මාරැ ලැබ පිටව යන හිටපු විදුහල්පති කසුන් ගුණරත්න මහතා අතින්ම 17 වැනිදා සිදු කෙරිණි .
එහිදී තූර්ය වාදක කණ්ඩායම් මධ්යයේ විදුහල වෙත කැදවා ගෙන පැමිණි විදුහල්පතිවරයා පිලි ගැනීමෙන් පසු නව පුස්තකාලය විවෘත කිරීම සිදුකෙරිණි.
ලැබුණු රුපියල් ලක්ෂ තිස් එකක මුදලක් තම පරිහරණයට නොගෙන අනාගතයේදී මෙම පාසලේ ඉගෙනුම ලබන දරුවන්ගේ ප්රයෝජනය සදහා භාවිතා වන කටයුත්තක් වෙනුවෙන් එම මුදල ලබාදීම පිලීබදව පැමිණි සියලු දෙනා විදුහල්පතිවරයා වෙත සිය ප්රසාදය පල කරන ලදී.
මේ සම්බන්ධයෙන් අදහස් පලකල විදුහල්පති කසුන් ගුණරත්න මහතා – මම වසර නවයක් සේවය කල පාසලින් අද වෙනත් පාසැලකට ස්ථාන මාරැ ලැබ යන්නට සිදු වී තිබෙනවා. මේ පාසලේ දෙමාපියන් මට දීපු විශාල මුදල් ත්යාගය මම අනාගත දරුවන්ගේ ප්රයෝජනයට ඇල්ෆා පරම්පරාවේ ප්රයෝජනයට හොද අත්තිවාරමක් දැම්මා. මට මේ කටයුත්තෙන් හුදු ප්රචාරයක් හෝ වෙනත් කටයුත්තක් අවශ්යව නොවේ මේ දේ කලේ. රාජ්ය සේවකයින් ලෙස අප කරන සේවයට අපට වැටුපක් ලැබෙනවා. එය කළමනාකරණය කර ගැනීම අප සතුයි. වෙනත් ප්රතිපාදන අපිට කැප නෑ කියන පණිවිඩය ලබා දෙන්නයි උවමනා වූයේ.
මහින්ද රාජපක්ෂ විද්යාලයේ පාසල් ගීය හෝමාගම කළාප අධ්යාපන කාර්යාලයේ ගීතය ආදිය රචනා කර ඇත්තේද කසුන් ගුණරත්න මහතා විසිනි.
පසුගිය කාලයේ සමාජ මාධ්ය ඔස්සේ කතාබහට ලක් වූ විදුහල්පතිවරයෙක් ලමුන් සමග ක්රිකට් ක්රීඩා කරන වීඩියෝ වේ සිටියේද මෙම විදුහල්පතිවරයා වේ.
newscenter
