පොලිස් අත්අඩංගුවෙන් පලායාමට ජාඇළ ඇළට පැන්න සැකකරුවකු අල්ලා ගැනීමට ඇළට පැන සැඩ පහරට අසුව අතුරුදහන්වු ජාඇළ පොලිසියේ කොස්තාපල් ක්රිෂ්ණමුර්ති පිරිදාපන් (99033) මහතාගේ සිරුර ඊයේ (24) සවස මීගමුව කලපුවේ සේදවත්ත ප්රදේශයේදී නාවික හමුදාවේ කිමිදුම් කරුවන් සොයාගත් බව පමුණුගම පොලිසිය පවසයි.
වැලිසර නාවික හමුදා කදවුරේ කිමිදුම් අංශයේ නිලධාරින්,කැළණි කොට්ඨාසයේ පොලිස් ස්ථානයේ විශේෂ නිලධාරින් පිරිසක් සහ පෑලියගොඩ පොලිස් ජීවිත ආරක්ෂ කිමිදුම් නිලධාරින් පිරිසක් අතුරුදහන්ව සිටි පොලිස් නිලධාරියා සොයා ජාඇළ ඇළේ සිට මීගමුව මෝයකට දක්වා සෝදිසි කිරීමේ මෙහෙයුම් දියත් කර තිබුණි.
මේ අතර රාජකාරියේ යෙදී සිටියදී මියගිය ආධුනික පොලිස් කොස්තාපල්වරයාට සැරයන් තනතුර දක්වා උසස්වීමක් ලබාදීමට කැලණිය පොලිස් කොට්ඨාසය භාර ජ්යෙෂ්ඨ පොලිස් අධිකාරිවරයා පොලිස්පතිවරයාට නිර්දේශ කර ඇත.
ඒ, ශ්රී ලංකා පොලිස් සේවයට ගෞරවයක් ගෙන එමින් නිර්භීතව කටයුතු කිරීම හේතු කොටගෙනය. ක්රිෂ්ණමූර්ති පිරදාපන් (26) නමැති මෙම පොලිස් කොස්තාපල්වරයා 2021/09/01 දින ශ්රී ලංකා පොලිස් දෙපාර්තමේන්තුවේ සේවයට බැඳී තිබේ. නිලධාරියාගේ මූලික පොලිස් පුහුණුවෙන් පසුව යාපනය පොලිස් කොට්ඨාසයේ සේවය කර 2023/09/01 දින කැලණිය පොලිස් කොට්ඨාසයට ස්ථිර ස්ථාන මාරුවක් ලැබ 2023/09/09 සිට ජා-ඇළ පොලිසියට අනුයුක්තව සේවය කර ඇත.මෙම නිලධාරියාට 2023/11/23 දින සිට සේවය ස්ථිර කර පොලිස් සැරයන් තනතුරට උසස් කරන ලෙස කැලණිය පොලිස් කොට්ඨාසය භාර ජ්යෙෂ්ඨ පොලිස් අධිකාරිවරයා නිර්දේශ කර ඇතැයි පොලිසිය කියයි.
gossiplankanews
