අමෙරිකාව විසින් යෝජනා කරනු ලැබූ තීරු බදු අඩුකර ගැනීම සඳහා අඛණ්ඩ සාකච්ඡා පැවැත්වීමට මුදල් අමාත්යාංශය තීරණය කර තිබෙනවා.Sri Lanka Latest News
ඒ අනුව මේ සම්බන්ධයෙන් වූ සාකච්ඡාවක් ඊයේ (18) අමෙරිකානු වෙළෙඳ නියෝජිත ආයතනය සමග සාකච්ඡා පවත්වනු ඇති බවයි එම අමාත්යාංශය නිවේදනයක් නිකුත් කරමින් සඳහන් කළේ.
මෙම සාකච්ඡාව මුදල් අමාත්යාංශ ලේකම් ආචාර්ය හර්ෂණ සූරියප්පෙරුම සහ අදාළ රාජ්ය නිලධාරීන් අතර මාර්ගගත ක්රමය ඔස්සේ පැවැත්වුණා.
අමෙරිකානු ජනාධිපති ඩොනල්ඩ් ට්රම්ප් විසින් පසුගිය 12 වනදා ශ්රී ලංකාව සඳහා 30%ක නව තීරුබදු යෝජනාවක් ලිඛිතව දැනුම් දුන් අතර, එම ප්රතිශතය තවදුරටත් අඩුකර ගැනීම සඳහා ශ්රී ලංකාව, අමෙරිකානු වෙළඳ නියෝජිතායතනය සමඟ අඛණ්ඩව සාකච්ඡා පැවැත්වීමටයි රජය මේ වනවිට තීරණය කර ඇත්තේ.
විදේශ ඇමැති විජිත කියපු කතාව!
අමෙරිකානු තීරු බදු සම්බන්ධයෙන් සාකච්ඡා කිරීම සඳහා මෙරට නියෝජිතයින් පිරිසක් එළැඹෙන 18 වනදා අමෙරිකාව බලා පිටත්ව යාමට නියමිත බව විදේශ කටයුතු අමාත්ය විජිත හේරත් මහතා පැවසීය. අද (15) කොළඹ පැවති උත්සවයකින් අනතුරුව මාධ්ය වෙත අදහස් දක්වමින් අමාත්යවරයා මේ බව සඳහන් කළේය..
මව්රට ‘රාජ්ය රහස්’ ගිය සතියේ කියපු කතාව!
තිබ්බ 15% එකපාරටම 30% වුණේ කොහොමද?
ට්රම්ප් අනුරව දන්නේ නැද්ද?
දැන් සාකච්ඡා යන්නේ ඔන්ලයින්!
‘….මේ ආකාරයට අදාළ ලිපිය ජනාධිපතිවරයාට ලැබීමත් සමග එම ලිපිය මෙරට ප්රධාන පෙළේ ව්යාපාරිකයන්ටද වෙනත් පාර්ශ්වයන් හරහා ලැබී තිබිණි. එම ලිපිය දුටු සැණින් ඇමෙරිකාවට භාණ්ඩ අපනයනය කරනු ලබන මෙරට ප්රධාන පෙළේ ව්යාපාරිකයන්, ජනාධිපතිවරයා කඩාවැටුණු ආකාරයට වඩා දෙතුන් ගුණයකින් කඩාවැටුණු ආකාරයක් දැකගත හැකි විය. විශේෂයෙන්ම ඔවුන්ගේ දුක්ගැනවිල්ල වී තිබුණේ පවතින තත්ත්වය යටතේ පවා ඉතා අසීරුවෙන් සිය කර්මාන්ත පවත්වාගෙන යන අතරේ තවත් 30%ක බදු පැනවීමක් හරහා තවදුරටත් සිය කර්මාන්ත පවත්වාගෙන යා නොහැකි තත්ත්වයකට පත්වීම වැළැක්විය නොහැකි යැයි කියාය. ඒ අනුව ඔවුන් වහාම ආණ්ඩුවේ ප්රධානීන්ට දැනුම් දී තිබුණේ කෙසේ හෝ නැවත වතාවක් ඇමෙරිකාව සමග සාක්ච්ඡා කොට මෙම බද්ද තවදුරටත් අඩුකර ගැනිමට පියවර ගන්නා ලෙසටය. ඒ අනුව මෙම බදු ප්රතිශතය ක්රියාත්මක වීමට නියමිතව ඇත්තේ අගෝස්තු 01 වැනි දින සිට නිසා ආණ්ඩුව සූදානම් වන්නේ නැවත වතාවක් ඇමෙරිකාව සමග මේ සම්බන්ධයෙන් සාකච්ඡා කිරීමටය. නමුත් මෙහි ඇති විශේෂත්වය වන්නේ මින් ඉදිරියට පැවැත්වෙන සාකච්ඡා සියල්ලම මාර්ගගත ක්රමවේදය ඔස්සේ (ඔන්ලයින්) පැවැත්වීමට නියමිතව තිබීමය…’
රාජ්ය රහස්
