ඇමෙරිකාවට අපනයනය කරන භාණ්ඩ සදහා අලුතින් පැන වූ සියයට 30 ක අන්යොන්ය තීරු බද්දට දැනට එම භාණ්ඩ ඇමෙරිකාවට අපනයනය කිරීමේ දී පවතින සෙසු බදු ප්රමාණයන් ද එකතුවීමක් සිදුවෙන බව මුදල් අමාත්යාශ ලේකම් ආචාර්ය හර්ෂන සූරියප්පෙරුම මහතා පැවසීය.Sri Lanka Latest News
අනෙකුත් කලාපීය රටවලට ද එම බදු එකතුවීම එසේම සිදුවෙන බව ද එසේ එකතු වීමෙන් පසු එන මිල අනුව ලංකාවේ අපනයන තරගකාරිත්වය තවදුරටත් පවත්වා ගැනීම රජයේ බලාපොරොත්තුව වූ බව ද ඔහු සදහන් කළේය.
ඇමෙරිකාව විසින් කලින් ප්රකාශයට පත් කළ සියයට 44 ක බදු ප්රතිශතය සියයට 30කට කලාපීය වශයෙන් ඉතා අඩු මට්ටමකට අඩු කර ගැනීමට හැකියාව ලැබී ඇති බවත් කලින් ප්රකාශයට පත් කළ බදු අනුපාතවලට සාපේක්ෂව ඉහළම බදු අඩුවීමක් ශ්රී ලංකාවට ලැබී ඇති බව ද ඇමතිවරයා කියා සිටියේය.
