නව ජනාධිපතිවරයා පත්වූ සැණින් සිදුකරන බවට මැතිවරණ වේදිකාවේදී දුන් පොරොන්දුවලින් කිසිවක් මේ වන තෙක්ම වත්මන් ආණ්ඩුව විසින් ඉටුකර නොමැති බවට විපක්ෂ නියෝජිතයෝ චෝදනා කර සිටිති. Sri Lanka Latest News
ඔවුන් පෙන්වා දෙන්නේ ඉකුත් මැතිවරණ සමයේදී වත්මන් ජනාධිපති අනුර කුමාර දිසානායක මහතා මෙන්ම මාලිමාවේ කථිකයන් මැතිවරණ වේදිකාවේදී හිටපු ජනාධිපති රනිල් වික්රමසිංහ මහතාගෙන් මත්පැන් බලපත්ර ලබාගත් හිටපු මැති ඇමැතිවරුන්ගේ නම් ලැයිස්තුව ප්රසිද්ධ කරන බවට ජනතාව හමුවේ සහතික වුවද මේ දක්වා එය ඉටු කිරීමට අපොහොසත් වූ බවකි.
මීට අමතරව හිටපු ජනාධිපතිවරයා සමග ගනුදෙනු කරමින් ආණ්ඩුවේ විමධ්යගත අරමුදල් කෝටි ගණනින් ලබාගත් විපක්ෂයේ මන්ත්රීවරුන්ගේ නම් ලැයිස්තුව හෙළිදරව් කරන බවට මාලිමා ප්රධානීන් මැතිවරණ වේදිකාවේදී සහතික කොට කියා සිටියද මේ දක්වා එම නම් ලැයිස්තුවද ජනතාව හමුවට ඉදිරිපත් කිරීමට ඔවුන් අපොහොසත් වූ බව ඔවුහු පෙන්වා දෙති.
එසේම හිටපු ජනාධිපතිවරුන් විසින් භුක්ති විඳිනු ලබන නිල නිවාස, නිල වාහන, විශ්රාම වැටුප් ඇතුළු වරප්රසාද සියල්ල අහෝසි කරන බවට මැතිවරණ වේදිකාවේදී මාලිමා ප්රධානීන් ප්රතිඥා දුන්නද මේ දක්වා එම ප්රතිඥාවද ඔවුන් ඉටුකරන නොමැති බව ඔවුහු සඳහන් කර සිටිති.
මේ සියල්ලටම අමතරව විපක්ෂ නියෝජිතයන් පෙන්වා දෙන්නේ මාලිමා ආණ්ඩුව පැමිණි වහා හොරු අල්ලන බවට මාලිමා ප්රධානීන් රට හමුවේ දිවුරා පොරොන්දු වුවද මේ දක්වා ඊට අදාළ කිසිදු විමර්ශනයක් ආරම්භ කර නොමැති බවකි.
විමර්ශන කිහිපයක් පමණක් මේ වනවිට වත්මන් රජය මගින් ආරම්භ කර තිබුණද ඉකුත් ආණ්ඩු සමයේ සිදුව ඇති බරපතළ වංචා දූෂණ කිසිවක් සම්බන්ධයෙන් මෙතෙක් වත්මන් ආණ්ඩුව ක්රියාමාර්ග ගෙන නොමැති බවද ඔවුහු පෙන්වා දෙති.
