රජයේ සේවකයන්ට වසර පහක වැටුප් රහිත නිවාඩු ලබා දෙන රජයේ චක්රලේඛය ක්ෂේතු කීපයකින් ඉවත් කිරීමට සැලසුම් කරන බව වාර්තා වේ .
ඒ් අනුව වසර පහක වැටුප් රහිත නිවාඩු ලබා දෙන රජයේ චක්රලේඛය පාසල් ගුරුවරුන්, සෞඛ්ය අංශ සේවකයන් සහ තාක්ෂණික සේවා වැනි කාණ්ඩ සඳහා අදාළ නො වන බව රාජ්ය පරිපාලන අමාත්යාංශයේ ලේකම් එම්.එම්.පී.කේ.මායාදුන්නේ පවසයි.
මෙම ක්රමවේදය රජයේ සහ විවිධ ආයතනවල අතිරික්ත කාර්යමණ්ඩලය ඉවත් කිරීම සඳහා හඳුන්වා දුන් එකක් බව යි වාර්තා වන්නේ.
කෙසේ වෙතත් මෙම චක්රලේඛය තවදුරටත් සකස් කරමින් පවතින බව යි වාර්තා වන්නේ.
මේ අතර භාණ්ඩ ආනයනය කිරීම තහනම් කරමින් නිකුත් කළ ගැසට් නිවේදනය සංශෝධනය කර තිබේ.
ඒ අනුව සුවඳ විලවුන්, ඇතුළු තවත් භාණ්ඩ කිහිපයක් සීමාවන්ට යටත්ව ආනයනයට එහි දී අවසර ලබා දී ඇත.
මේ අතර පවතින විදේශ විනිමය අර්බුදය හේතුවෙන් ඇතැම් ආනයන සඳහා පනවා ඇති තහනම සති දෙකකට වරක් සංශෝධනය කරන බව රජය පවසයි.
අද පෙරවරුවේ රජයේ ප්රවෘත්ති දෙපාර්තමේන්තුවේ පැවති කැබිනට් මාධ්ය හමුවට එක්වෙමින් වැඩබලන කැබිනට් ප්රකාශක අමාත්ය රමේෂ් පතිරණ කියා සිටියේ තාවකාලික පියවරක් ලෙස ඇතැම් නිෂ්පාදන ආනයනය සීමා කර ඇති බවයි.
“ආනයන තහනම හරහා ශ්රී ලංකාවේ කර්මාන්ත ක්ෂේත්රයට, අමුද්රව්ය සහ උපාංග ඇතුළු අවශ්යතා රැසක ගැටලු මතු වෙලා තිබුණා. ඒක තාවකාලික පියවරක්. අපි ඒක සතිපතා හෝ සති දෙකකට වරක් සමාලෝචනය කිරීමට රජය තීන්දු කරලා තියෙනවා. අත්යවශ්යයෙන් හඳුනාගත් අමුද්රව්ය ආනයනය සඳහා අවශ්ය නිදහස නැවත ලබා දෙනවා. ඒ නිසා එම ලැයිස්තුව ස්ථිර එකක් නෙවෙයි. ඒක අවශ්යතාවන් පරිදි ඉදිරියේදී වෙනස් කරන්න කටයුතු කරලා තියෙනවා. කර්මාන්තකරුවෝ මේ පිළිබඳව එතුමන්ලාගේ දුක් ගැනවිලි ඉදිරිපත් කරලා තියෙනවා. අපි ඒක නැවත ඔවුන්ට වෙනස් කරලා දෙන්න කටයුතු කරනවා. එම නිසා එම සංශෝධනත් ඉදිරියේදී පාර්ලිමේන්තුවට ඉදිරිපත් කරලා ගැසට් මගින් පාර්ලිමේන්තු අනුමැතිය ලබා ගන්නවා. ඒ නිසා ඒක ස්ථිර ලැයිස්තුවක් නෙවෙයි ක්රමානුකූලව වෙනස් වෙනවා.”
