ජාතික ජනබලවේග ආණ්ඩුව ප්රකාශ කළා මැති ඇමැතිවරුන්ට අල්ලස් ලෙස බාර් පර්මිට් ලබාදිලා තිබෙනවා කියලා. බාර් පර්මිට් ගත්ත මැති ඇමැතිවරුන්ගේ දේශපාලඥයින්ගේ නම් හෙළි දරව් කරනවා කියලත් ජාතික ජනබලවේග ආණ්ඩුව ප්රකාශ කළා. Sri Lanka Latest News
නමුත් පාර්ලිමේන්තුවේදී සභාගත කළ ලේකනයේ බාර් පර්මිට් ලබාගත්ත මැති ඇමැතිවරුන්ට සම්බන්ධ සුළු පිරිසකගේ නම් තමයි තිබුණේ. නමුත් බහුතරයක් නම්වලට දේශපාලඥයින් සම්බන්ධද නැද්ද යන කාරණය ආණ්ඩුව හෙළි දරව් කළේ නෑ. විපක්ෂය ලෙස අපි රජයෙන් ඉල්ලා සිටියා ඒ නම් පාර්ලිමේන්තුවට හෙළිදරව් කරන්න කියලා. බාර් පර්මිට් ගත්තේ කවුද , ඒ සඳහා මැදිහත් වුණේ කවුද කියලා පාර්ලිමේන්තුවට හෙළිදරව් කරන්න කියලා සමගි ජනබලවේගය ප්රකාශ කළා.
ඒ වගේම අනිතිකව ලබාදුන්න බාර් පර්මිට් අවලංගු කරන්න කියලා සමගි ජනබලවේගය ආණ්ඩුවෙන් ඉල්ලා සිටියා. නමුත් මේ වනතුරු ඒ බාර් පර්මිට් අවලංගු කරන්න රජය කිසිදු පියවරක් ලබාගෙන නැහැ. බාර් පර්මිට් ගත්ත පිරිස ආණ්ඩුවට මුදල් ලබාදිලා බාර් පර්මිට් අවලංගු කිරිම නතර කරලද කියලා අපට සැකයක් මතුවෙනවා. බාර් පර්මිට් නිතියට පරිභාහිරව ලබාදිලා තිබෙනවානම් ඒවා වහාම අවලංගු කරන්න රජය කටයුතු කළ යුතුයි. සංදර්ශන දාලා ඒ කියපු දේවල් අමතක කරන්න රජයට සමගි ජනබලවේගය ඉඩ ලබාදෙන්නේ නැහැ.
ඇත්ත බොරුව කරන එකත් බොරුව ඇත්ත කරන එකත් ප්රජාතන්ත්රවාදි අයිතියක් බව ජාතික ජනබලවේගයේ මන්ත්රිවරියකුත් ප්රකාශ කරලා තිබුණා. ජාතික ජනබලවේගයට ජනතාවට දුන්න බොරු පොරොන්දු දැන් වමාරන්න වෙලා තිබෙන්නේ. ඒක දැන් ප්රජාතන්ත්රවාදයට ලඝු කරන්න ජාතික ජනබලවේගය උත්සහ කරනවා.’ යැයි නලින් බණ්ඩාර මහතා පැවසීය.
