බණ්ඩාරනායක ජාත්යන්තර ගුවන්තොටුපළේ වීසා බලපත්ර හැසිරවීමේ ක්රියාවලිය භාර දී ඇති විදේශ සමාගම ජාත්යන්තරව එම ක්ෂේත්රයේ කළු පැල්ලම් රැසකට හිමිකම් කියන කුප්රකට සමාගමක් බවත් එවන් සමාගමකට කැබිනට් අනුමැතිය ලැබීම පුදුමයට කාරණයක් බවත් ශ්රී ලංකාවේ කොමියුනිස්ට් පක්ෂය එහි ප්රධාන ලේකම් වෛද්ය ජී. වීරසිංහ මහතාගේ අත්සනින් නිවේදනයක් නිකුත්කරමින් කියා සිටී. Sri Lanka Latest News
එම නිවේදනයේ වැඩි දුරටත් මෙසේ ද සඳහන් වේ.
වීසා ලබාදීමේ බලය දුන් මෙම සමාගම ස්විට්සර්ලන්තයට අයත් Kuoni සංචාරක සමාගම, VFS Global ඉන්දියානු අනුබද්ධිත ආයතනයක් ලෙස පිහිටවූ අතර, එහි මූලස්ථානය ඩුබායි සහ ස්විට්සර්ලන්තයේ සූරිච් හි පිහිටා ඇත. එහි බහුතර කොටස් බ්ලැක්ස්ටෝන් සමූහයට අයත් වන අතර ඉතිරිය කුඕනි සහ කුඕනිගේ හිමිකරුවන් වන ඊකියුටී (EQT) සතුය.
බ්ලැක්ස්ටෝන් සමූහය යනු වත්කම් කළමනාකරණය කරන එක්සත් ජනපද ආයෝජන කළමනාකරණ සමාගමකි. එය ළමා ශ්රමිකයන් යොදා ගැනීම සහ, නිවර්තන වනාන්තර විනාශයට සම්බන්ධ බවට චෝදනා ලබා ඇත. 2007-2008 ගෝලීය මූල්ය අර්බුදයෙන් පසු බංකොලොත් හිමිකරුවන්ගෙන් නිවාස ලබා ගැනීමේ සදාචාර විරෝධී ව්යාපාරික භාවිතයන් සම්බන්ධයෙන් විවේචනයට ලක්ව ඇත. සැලකිය යුතු තවත් කරුණක් වන්නේ අවසරයකින් තොරව පුද්ගලික තොරතුරු හුවමාරු කර ගැනීම නිසා වන්දි ගෙවීමට ද සිදුව තිබීමයි.
පසුගිය දශක දෙක තුළ, VFS Global රජයන්, ගවේෂණාත්මක මාධ්යවේදීන්ගේ සහ එහි ගනුදෙනුකරුවන්ගෙන් සැලකිය යුතු විවේචනවලට ලක්ව ඇත.
බොහෝ විට අනවශ්ය සහ ඔවුන්ගේ මූල්යමය හැකියාවෙන් ඔබ්බට යන සේවා මිලදී ගැනීමට සමාගම වීසා අයදුම්කරුවන්ට බලපෑම් කර ඇති බවට චෝදනා එල්ල වී තිබේ.
2019 දී, බි්රතාන්ය ස්වදේශ කටයුතු කාර්යාලය VFS Global හරහා වීසා ලබා ගන්නා පුද්ගලයන්ගේ පැමිණිලි රාශියකට මුහුණ දුන් අතර, ඔවුන්ගෙන් බොහෝ දෙනෙක්, මූල්ය වාසි සඳහා අයදුම්කරුවන් සූරාකන බවට සමාගමට චෝදනා කළහ.
මෙම සමාගම නයිජීරියාව වැනි සංවර්ධනය වෙමින් පවතින රටවල වීසා ලැබීම අපැහැදිලි අවස්ථාවන්හිදී අයදුම්කරුවන්ගෙන් ”කප්පම්” ගැනීම මෙන්ම ඔවුන්ට ”අයුක්තිසහගත ලෙස සැලකීම්” කළ බවට චෝදනා එල්ල වී ඇත.
විදේශ ගමන් බලපත්ර නිකුත් කිරීමේ සේවා කළමනාකරණය කරන VFS Global, එම ක්ශේත්රය තුළ ඒකාධිකාරී ආයතනයක් ලෙස ක්රියාත්මක වන බවට චෝදනා එල්ල වී ඇත.
මෙම චෝදනා මගින් වීසා ඉල්ලුම්පත්රවල ඉහළ මිල ගණන් පිළිබඳ කනස්සල්ල මතු කර ඇති අතර මධ්යගත ලේඛන හැසිරවීම සහ අදාළ දත්තවල ආරක්ෂාව පලුදුවීම් පිළිබඳ ප්රශ්න ද මතු කර ඇත.
මෙම පලුදුවීම් හරහා සංවේදී පුද්ගලික තොරතුරු කාන්දු වන්නට ඇත.
ආගමන හා විගමන සේවා VFS Global වෙත පැවරීමෙන්, වඩාත් අවදානමට ලක්විය හැකි පුරවැසියන් සූරාකෑමේ සහ ඒකාධිකාරී භාවිතයන්ට නිරාවරණය වීමේ අනතුරක පවතී.
මෙය මැයි 1 වැනිදා රාත්රියේ එම සමාගමේ සේවකයන්ගේ කාර්ය සාධනය මගින් ඉස්මතු කරන ලද අකාර්යක්ෂමතාවන්ට අමතරව, රාජ්ය ආදායමක අහිමිවීමක්ද වනු ඇත.
