විවෘත රාජ්ය හවුල්කාරිත්වයක් ශ්රී ලංකාව තුළ ස්ථාපිත කිරීම සදහා, ජනාධිපති ලේකම් කාර්යාලය හා එක්ව දියත්කර තිබුණු, “තුන්වන ජාතික ක්රියාකාරී සැලැස්ම” සකස් කිරීමේ කාර්යයෙන් තමන් ඉවත්වන බව සිවිල් සමාජ සංවිධාන සාමූහිකය ජනාධිපතිවරයාට දැනුම් දී තිබේ.Sri Lanka Latest News
මෙසේ තමන් ඉවත් වීමට තීරණය කරන ලද්දේ, තමන් එකග වූ මූලධර්මයන්ට සහමුලින්ම පටහැනි ආකාරයේ අහිතකර තත්ත්වයක් ශ්රී ලංකාව තුළ නිර්මාණය වෙමින් පැවතීම බවද සිවිල් සමාජ සංවිධාන සාමූහිකය වැඩිදුරටත් පවසයි.
සිවිල් සමාජ සංවිධාන සාමූහිකය ජනාධිපති ලේකම් කාර්යාලය හා එක්ව කටයුතු කරනු ලබන්නේ, විනිවිද භාවයෙන් සහ වගවීමකින් යුතු, සහභාගීත්ව පාලනයක් රට තුළ ස්ථාපිත කිරීම වෙනුවෙනි.
2015 වසරේ සිටම ඒ වෙනුවෙන් දෙපාර්ශවයම එක්ව වැඩ කරමින් සිටිති.
කෙසේ වෙතත්, ඔන්ලයින් සේෆ්ටි පනත සම්මත කර ගැනීමත්, විවිධ පාර්ශ්වයන් විසින් එල්ල කර තිබෙන විරෝධය නොතකා, මර්දනකාරී වගන්ති ඇතුළත් ත්රස්ත විරෝධී නීති ගෙන එන්නට රජය කටයුතු කිරීමත් හේතුවෙන්, තව දුරටත් ශ්රී ලංකා රජය සමග එක්ව කටයුතු කිරීමට තමන්ට නොහැකි බව සිවිල් සමාජ සංවිධාන සාමූහිකය පවසා තිබේ.
සිවිල් සමාජ සංවිධාන සාමූහිකය යනු රටවල් හැත්තෑවකට වඩා වැඩි ගණනක් සාමාජිකත්වය දරන එකමුතුවකි.
විවිධ රටවල තෝරාගත් ක්ෂේත්රවල යහපාලනය ඇති කිරීම සදහා එම සංවිධානය කැපවීමෙන් වැඩ කරති.
ශ්රී ලංකාවට අදාලව එම සංවිධානයේ සම කැදවුම්කරුවන් ලෙස, ට්රාන්ස්පේරන්සි ඉන්ටර්නැෂනල් සහ සර්වෝදය ශ්රමදාන ව්යාපාරය කටයුතු කරයි.
