පාර්ලිමේන්තු මන්ත්රී එස්. එම්. මරික්කාර් මහතා අද කොළොන්නාවේදී මාධ්ය හමුවක් කැඳවා තිබුණා. Sri Lanka Latest News
එහිදී අදහස් දක්වමින් ඔහු පවසා සිටියේ ඡන්ද කල් දැමීමට ආණ්ඩුව ගෙන එන අලුත්ම කුමන්ත්රණය සම්බන්ධවයි.
එහිදී වැඩිදුරටත් අදහස් දක්වමින් ඔහු මෙලෙස පවසා තිබුණා .
“ඡන්ද කල් දාන්න දැන් ගේන අලුත්ම කුමන්ත්රණය තමයි මේ විධායක ජනාධිපති ධුරය අහෝසි කරනවා කියන කැරට් එක.ලංකාවේ ජනතාව මේ කැරට් එක කෑවා 1994 ඉඳලා. රනිල් වික්රමසිංහ මහත්මයාටයි ආණ්ඩුවටයි එකපාර හදිස්සියට නින්දෙන් හැරිලා වගේ මේ එකපාර ජනාධිපති ධූරය අහෝසි කරන්න කල්පනා වෙන්නේ මොකද කියලා අපිට තේරෙනවා. මේක ජනප්රිය මාතෘකාවක්. මේ ජනප්රිය මාතෘකාව පාවිච්චි කරගෙන පින් ජනාධිපතිවරයා තවදුරටත් බලයේ ඉන්න යොදන කුමන්ත්රණයක්. ඒ වගේම ජනමතය නැතිවෙච්ච පොහොට්ටු ආණ්ඩුව දිගටම පවත්වාගෙන යන්න කුමන්ත්රණයක්. මේ සඳහා පාර්ලිමේන්තුවේ තුනෙන් දෙක වගේම අනිවාර්යයෙන්ම ජනමත විචාරණයකුත් ඕන. අපි මේ මොහොතේ පැහැදිලිව කියන්න ඕන මේ පාර්ලිමේන්තුවට ජනමතයක් නැහැ. ඒ නිසා ජන මතයක් නැති පාර්ලිමේන්තුවකින් විධායක ජනාධිපති ධූරය අහෝසි කරන්න බැහැ. ඒක අංක එක.
දෙවෙනි එක, යම් විදිහකින් විධායක ජනාධිපති ධුරය පාර්ලිමේන්තුව හරහා අහෝසි කෙරුවොතින් විධායක අගමැතිව පත්කරන්නේ ජන මතයක් නැති මේ 225ින්. එතකොට මේ 225ම තමයි ලංකාවෙ මිනිස්සුන්ට බාල බෙහෙත් ගෙනල්ලා මිනිස්සුන්ව රෝගී තත්ත්වයට පත්වන විදිහට ඒකට මූලිකත්වය ගත්ත හිටපු සෞඛ්ය ඇමතිවරයාට විරුද්ධව ගෙනාපු විශ්වාසභංග යෝජනාවේදී අත ඉස්සුවෙත් මේ පාර්ලිමේන්තුවම තමයි. එතකොට මිනිස්සු මරන්න අත උස්සපු පාර්ලිමේන්තුවකට පුළුවන්ද විධායක ජනාධිපති ධුරය අහෝසි කරලා, අලුත් අගමැතිවරයෙක් පත් කරන්න? ඒ නිසා නැවත මේ රටේ කැරැල්ලක් ඇති නොවන්න නම්, අද මිනිස්සු අප්රමාණ දුක් විඳිනවා, මිනිසුන්ට කන්න නැහැ දරුවන්ට ඉගෙන ගන්න විදියක් නැහැ, විශ්රාමිකයන්ට ගමනක් බිමනක් යන්න විදියක් නැහැ බෙහෙත් ටික ගන්න විදියක් නැහැ, අසීමාන්තික ප්රශ්න තොගයක ජීවත් වෙන මිනිස්සුන්ගේ වෛරය ප්රජාතන්ත්රවාදී ලෙස පිට කරන්න තියෙන එකම අවස්ථාව තමයි මැතිවරණය.
වික්රමසිංහ මහත්තයා දවල් හීන දකිනවා නම් පාර්ලිමේන්තුවේ තුනෙන් දෙකක් අරගෙන මේක ක්රියාත්මක කරන්න, අපි පැහැදිලිව කියනවා සමග ජන බලවේගයේ සහයෝගය නැතුව මේක කරන්න බැහැ. ඒ නිසා සමගි ජන බලවේගය හැටියට අපි විධායක ජනාධිපති ධූරය අහෝසි කරන්න එකඟ වුණාට, මේ මොහොතේ ජනතාවගේ පීඩනය පිටකිරීම සඳහා , මහපොළොවේ ජනමතය සැබෑ ලෙසම නියෝජනය කරන අලුත් පාර්ලිමේන්තුවකින් පමණයි විධායක ජනාධිපති ධූරය අහෝසි කිරීමට අපි ඉඩ දෙන්නේ. එනිසා අපි පැහැදිලිවම කියන්න ඕන, මාමා අගමැතිකම ජනාධිපතිකමට පත් කරගත්තා වගේ, බෑනා ජනාධිපතිකම අගමැතිකමට පත්කරන්න හීන දකිනවා ඇති . නොයෙක් කැරට් අල දෙනව ඇති. පර්මිට් එක දෙන්නම් පාර්ලිමේන්තුව කල් දාන්නම් කියලා. ඒ එකක්වත් කරන්න හම්බවෙන්නේ නැහැ. සැප්තැම්බර් 16 සහ ඔක්තෝබර් 16 අතර ජනාධිපතිවරණයට මුහුණ දෙන්න ලෑස්ති වෙන්න. ජ
නාධිපතිතුමාට ඡන්ද නැති එකට , එතුමාට ඉල්ලන්න පක්ෂයක් නැති එකට, අපිට කරන්න දෙයක් නැහැ. මෙයා ජනාධිපතිවෙලා දැන් අවුරුදු එකහමාරක් උනා.අදටත් මහජන රැස්වීමක් කරගන්න බැහැ. රාජ්ය නිලධාරීන්ගේ උත්සවවලට පමණයි යන්නේ.. එතුමාම දන්නවා මේ රටේ ජනතාවගේ රීරි මාංශ උරා බීලා , බදු බර වැඩි කරලා, බඩු මිල වැඩි කරලා, බිල් වැඩි කරලා, මිනිස්සුන්ව නොමරා මරලා, දැන් ජනතාවට මුහුණ දෙන්න බැහැ කියන එක. ඒ නිසා කුමන්ත්රණ නාටක වලට කිසිසේත්ම ඉඩ දෙන්නේ නැහැ කියන එක අපි පැහැදිලිව කියන්න කැමතියි.
