වරායේ යාත්රා දෙකක් යොදා ගනිමින් පොහොට්ටුවේ මැතිඇමැතිවරුන් හට වරාය රාජ්ය අමාත්ය ප්රේමලාල් ජයසේකර මහතා විසින් සංවිධාන කරන ලද මුහුද මැද සාදය පිළිබදව පරීක්ෂණ ආරම්භ කිරීමට අල්ලස් හෝ දූෂණ විමර්ශන කොමිෂන් සභාව පියවර ගෙන ඇත.Sri Lanka Latest News
ඒ, අදාළ සිදුවීම සම්බන්ධයෙන් වරාය වෘත්තීය සමිති විසින් අද දහවල් කොමිසම වෙත කරනු ලැබූ පැමිණිල්ලකට අනුවය.
පසුගියදා අමාත්යවරයා විසින් මේ ආකාරයේ සාදයක් පවත්වා ඇති බව මාධ්ය විසින් අනාවරණය කිරීමෙන් අනතුරුව විපක්ෂනායක සජිත් ප්රේමදාස මහතා ඊට එරෙහිව පාර්ලිමේන්තුව ඇතුළේ විශාල විරෝධයක් දක්වා තිබිණ.
පසුව ජවිපෙ නායක අනුර කුමාර දිසානායක මහතාද පාර්ලිමේන්තුවේදී මෙම සිද්ධියට විරෝධය පළ කරමින් අදහස් දැක්වීමට සිදුකොට තිබිණ.
එහිදී අමාත්යවරයා මෙන්ම ආණ්ඩුවේ මැතිඇමැතිවරුද කියා සිටියේ මෙය සාදයක් නොව අධ්යාපන චාරිකාවක් යැයි කියාය.
අල්ලස් කොමිසම සඳහා නව සභාපතිවරයකු සහ සාමාජිකයන් දෙදෙනකු පසුගියදා පත් කළ අතර එහි සභාපති ලෙස අභියාචනාධිකරණ විනිසුරු නීල් ඉද්දවල මහතා පත් කරනු ලැබීය.
සෙසු සාමාජිකයන් ලෙස පළපුරුදු බැංකුකරුවකු වන චේතිය ගුණසේකර සහ නීති විශාරදයකු වන ආර්. බී. රාජපක්ෂ යන මහත්වරුන් පත් කර තිබේ.
