වරායේ යාත්රා සම්පත උපයෝගී කර ගෙන රාජ්ය පාර්ශ්වයේ ඇතැම් මන්ත්රීවරුන් ප්රිය සම්භාෂණ උත්සවයක් පැවැත්වූ බවත් එය නිරීක්ෂණ චාරිකාවක් නොවන බවත් පෞද්ගලික මුදලින් ඕනෑම ප්රිය සම්භාෂණයක්, රැස්වීමක් පැවැත්වීමට අයිතිය තිබුණත් ඒ සඳහා රාජ්ය සම්පත් සහ දේපල උපයෝගී කර ගැනීම අනුමත කළ නොහැකි බවත් විපක්ෂ නායකවරයා පැවසීය.Sri Lanka Latest News
විපක්ෂ නායක සජිත් ප්රේමදාස මහතා මේ බව කියා සිටියේ අද (12) පාර්ලිමේන්තුවේදී මෙම ගැටලුව සම්බන්ධයෙන් ප්රශ්න කර සිටි අවස්ථාවේදීය.
වරායේ සේවකයන්ගේ දූදරුවන්ට වරාය නරඹන්න අවසර ඉල්ලූ අවස්ථාවේ දී වරාය නිරීක්ෂණය කළ හැකි නමුත් යාත්රා භාවිතය තහනම් කර තිබිය දි මහජන නියෝජිතයන්ට වරායේ ඇති යාත්රා භාවිත කිරීමට අවසර දුන්නේ කුමන පදනමකින් ද කියා ගැටලු සහගත බවත් එම යාත්රාවලට ඉන්ධන ලබා ගත්තේ ද රජයේ මුදලින් මිස පෞද්ගලික මුදලින් නොවන බවත් පැවසූ විපක්ෂ නායකවරයා කියා සිටියේ විස්කි, අරක්කු, කෑම, බීම, සංගීතය සමඟ නැගෙනහිර සහ බටහිර ජැටි නිරීක්ෂණය කිරීමට යාම විහිළුවට කරුණක් බව යි.
මෙම සාදය සඳහා අවශ්ය ආහාර ලබා දී ඇත්තේ ද වරායෙන් බවත් මේ සඳහා එක්තරා ලේකම්වරියක් ලියුමකුත් යවා ඇති බවත් පැවසූ විපක්ෂ නායක සජිත් ප්රේමදාස මහතා වැඩිදුරටත් කියා සිටියේ රට බංකොලොත් වී තිබියදී රාජ්ය මුදල් සහ සම්පත් අවභාවිත කර සාද පැවැත්වීමට රජයට සදාචාර අයිතියක් නොමැති බවයි.
එසේම තමා යන උත්සවවලට පවා ගිලන්රථ එවා ඇති අවස්ථාවල එය ප්රතික්ෂේප කිරීමට තමා කටයුතු කළ බවත් ජනාධිපතිවරයාට පමණක් හිමි ඒ වරප්රසාදය පාර්ලිමේන්තුවේ සෙසු මන්ත්රීවරුන්ට අවශ්ය නොවන බවත් එය රාජ්ය සම්පත් අවභාවිතයක් බවත් විපක්ෂ නායක සජිත් ප්රේමදාස මහතා මෙහි දී වැඩිදුරටත් පැවසීය.
