කොවිඩ් 19 සම්බන්ධ රෙගුලාස් උල්ලංඝනය කිරීම සම්බන්ධයෙන් බව පවසමින් සාමකාමී උද්ඝෝෂණවල නියතු පුද්ගලයින් අත්අඩංගුවට ගැනීම හා රඳවා තබා ගැනීමට පොලීසිය කටයුතු කරන බවට ශ්රී ලංකා නීතිඥ සංගමය පවසනවා.
මේ පිළිබඳ සෞඛ්ය සේවා අධ්යක්ෂ ජනරාල්වරයාට සහ පොලිස්පතිතුමාට ලිපියක් මගින් දන්වා සිටින නීතිඥ සංගමය පවසන්නේ මෙම අත්අඩංගුවට ගැනීම් සිදු වන්නේ පොලිස් මාධ්ය අංශය විසින් අංක PMD/PR/845/21 යටතේ 2021 ජුලි 06 දින නිකුත් කරනු ලැබූ ලිපියකින් පසු බවයි. සෞඛ්ය සේවා අධ්යක්ෂ ජනරාල්වරයා විසින් සෞඛ්ය මාර්ගෝපදේශානුකූලව පවත්වනු ලබන රැස්වීම් හා විරෝධතා තහනම් කර නොමැති බවත් පොලීසිය විසින් භාවිතා කරන මෙම අධික බලය පිළිබඳව නිතීඥ සංගමයේ අවධානය යොමු කරන බවත් වැඩි දුරටත් එම ලිපියේ සඳහන් විය.
