පාසල් සිසුන් සදහා වන සුරක්ෂා රක්ෂණ ක්රමයේදී සිසුන්ගේ දෙමාපියන්ගේ හෝ නීත්යානුකූල භාරකරුවෙකුගේ මරණයක් සඳහා වන සුරක්ෂා රක්ෂණාවරණය රුපියල් 200,000 සිට රුපියල් 75,000 දක්වා අඩු කර ඇති අතර එහි හිමිකම් ලැබීමට නම් අඩු ආදායම්ලාභී පවුල්වල සිසුන් විය යුතුය යන අනිවාර්ය වගන්තියක් ඇතුළත් කිරීමට අධ්යාපන අමාත්යංශය තීරණය කොට ඇත.
මේ සඳහා වන සංශෝධිත චක්රලේඛයක් අධ්යාපන අමාත්යාංශයේ ලේකම්වරයා විසින් නිකුත් කරන ලදී.
මව්පියන් දෙදෙනාම මිය ගියහොත් එම මුදල අවස්ථා දෙකටම වෙන වෙනම ලබා දෙන බව අමාත්යාංශ ලේකම් එම්.එන්. රණසිංහ මහතා පළාත් ලේකම්වරුන්, අධ්යාපන අධ්යක්ෂවරුන් සහ විදුහල්පතිවරුන් වෙත නිකුත් කර ඇති නව චක්රලේඛයේ සඳහන් කර ඇත.
“සදහටම සුරකිමු – ජාතියේ දරුවන්” යන තේමාව යටතේ 2017 වසරේ ඉදිරිපත් කළ අයවැය යෝජනාවට අනුව මෙම රක්ෂණ ක්රමය ක්රියාත්මක කර ඇත.
