අමෙරිකානු තීරු බද්ද අඩු කර ගැනීම සම්බන්ධයෙන් විශාල වැඩ කොටසක් කළ අමෙරිකාවේ ශ්රී ලංකා තානාපති මහින්ද සමරසිංහ මහතා හට මුදල් අමාත්යංශ ලේකම් හර්ෂණ සූරියප්පෙරුම මහතා සිය විශේෂ ස්තූතිය පුද කළේය. Sri Lanka Latest News
මේ අතර 30%ක් ලෙස ට්රම්ප් රජය පැනවූ තීරුබදු ප්රතිශතය 20% දක්වා අඩුකර ගැනීමේ මෙහෙයුමේ සැඟවුණු වීරයා ඇමෙරිකාවේ ශ්රී ලංකා තානාපති මහින්ද සමරසිංහ මහතා ලෙස දක්වමින් සිකුරාදා දහවල් වන විට විශාල සමාජ මාධ්ය ප්රචාරයක් දියත්ව තිබිණි.
ආරම්භයේ සිටම මහින්ද සමරසිංහ මහතා මෙම සාකච්ඡා සාර්ථකව ඉදිරියට ගෙන යෑම ඒ සඳහා බලපා තිබූ බව සමාජ මාධ්ය ජාල වාර්තා කොට තිබිණි.
කෙසේ වෙතත් මීට පෙර අවස්ථා දෙකකදීම කැබිනට් මාධ්ය ප්රකාශක නලින්ද ජයතිස්ස මහතාගෙන් සහ වෙළෙඳ අමාත්ය වසන්ත සමරසිංහ මහතාගෙන් මේ සම්බන්ධයෙන් විමසා සිටියදී ඊට ඍජුව පිළිතුරු සැපයීමට ඔවුන් කටයුතු කොට නොතිබිණි.
නමුත් ජනාධිපති අනුර කුමාර දිසානායක මහතා සහ මුදල් නියෝජ්ය අමාත්ය අනිල් ජයන්ත මහතා ප්රසිද්ධියේම මේ සම්බන්ධයෙන් මහින්ද සමරසිංහ මහතා හට ස්තුතිය පළකිරීමට කටයුතු කොට තිබීම විශේෂ සිදුවීමකි.
