විශිෂ්ටතම ක්රිකට් ක්රීඩකයෙකු ලෙස සැලකෙන, බටහිර ඉන්දීය කොදෙව් කණ්ඩායමේ හිටපු සුපිරි තුන් ඉරියව් ක්රීඩක ශ්රීමත් ගාෆීල්ඩ් සෝබර්ස් (Sir Garfield Sobers) අභාවප්රාප්ත වී තිබේ. Sri Lanka Latest News
මියයන විට ඔහුගේ 89 හැවිරිදි වියේ පසු වූ බව විදෙස් මාධ්ය වාර්තා කර ඇත.
සෝබර්ස් 1954 සහ 1974 කාලය අතරතුර ටෙස්ට් තරග 93කට ක්රීඩා කර ඇති අතර, එහිදී ලකුණු 8,032ක් රැස් කරමින් කඩුලු 235ක් දවා ගෙන තිබේ.
වමත් පිතිකරුවෙකු වූ ඔහු 1958 වසරේදී පාකිස්ථානයට එරෙහිව නොදැවී ලකුණු 365ක් රැස් කළේය.
එම ඉනිම වසර 36ක් පුරා ලොව වැඩිම ටෙස්ට් ලකුණු සංඛ්යාවේ වාර්තාව ලෙස ද පැවතුණි.
එසේම ඔහු දඟ පන්දු මෙන්ම වේග පන්දු ද එකලෙස යැවිය හැකි අතිශය දක්ෂ පන්දු යවන්නෙකු ද විය.
නොටින්හැම්ෂයර් (Nottinghamshire) ප්රාන්තය වෙනුවෙන් ද ක්රිකට් ක්රීඩා කළ සෝබර්ස්, ක්රිකට් ක්රීඩාව වෙනුවෙන් සිදුකළ සේවය අගයමින් 1975 වසරේදී නයිට් (Knighted) පදවියෙන් පිදුම් ලැබීය.
මීට අමතරව, විස්ඩන් (Wisden) සඟරාව මගින් නම් කරන ලද 20 වැනි සියවසේ විශිෂ්ටතම ක්රිකට් ක්රීඩකයින් පස්දෙනා අතරට ද ඔහු ඇතුළත් විය.
1968 වසරේ නොටින්හැම්ෂයර් ප්රාන්තය වෙනුවෙන් ක්රීඩා කරමින් සිටියදී, පළමු පෙළ ක්රිකට් තරගයකදී එක් පන්දුවාරයක පන්දු හයටම හයේ පහරවල් 6ක් එල්ල කළ ලොව පළමු ක්රීඩකයා බවට පත්වීමට ද සෝබර්ස් සමත් විය.
