පක්ෂ විපක්ෂ සියලු දේශපාලන පක්ෂ මෙන්ම මෙරට සියලු තානාපති කාර්යාල පවා පිළිගනු ලබන ජාත්යන්තර මට්ටමේ ප්රකට මත විමසුම් ආයතනයක් මගින් ඉදිරි ජනාධිපතිවරණය ඉලක්ක කරගෙන සිදුකරනු ලැබූ මත විමසුමක ප්රතිඵල පසුගිය සඳුදා දිනයේදී නිකුත් කර තිබේ.Sri Lanka Latest News
එම ප්රතිඵලයන්ට අනුව ඉදිරි ජනාධිපතිවරණයේදී ඉදිරියෙන්ම සිටින පක්ෂය බවට අනාවරණ කොට ඇත්තේ විපක්ෂ නායක සජිත් ප්රේමදාස මහතාගේ නායකත්වයෙන් ක්රියාත්මක සමගි ජන බලවේගයය.
ඉදිරි ජනාධිපතිවරණයේදී සමගි ජන බලවේගය 39%ක ඡන්ද ප්රතිශතයක් හිමිකරගනු ඇති බව එම මත විමසුම මගින් අනාවරණ කොට තිබේ.
මෙහි ඇති විශේෂත්වය වන්නේ උතුරු නැගෙනහිර දෙපළාත හැර සෙසු පළාත් පමණක් උපයෝගී කොටගෙන මෙම මත විමසුම සිදුකොට තිබීමය. උතුර හැරුණු විට නැගෙනහිර පළාතේ සම්පූර්ණ බලය රවුෆ් හකීම් සහ රිෂාඩ් බදියුදීන් යන මුස්ලිම් නායකයන් සතුවන අතර, දැනටමත් ඔවුන් දෙදෙනා සජිත් ප්රේමදාස මහතාට සහාය දක්වන බවට ප්රසිද්ධ ප්රකාශයන් සිදුකර තිබේ.
ඒ අනුව, නැගෙනහිර පළාතේ මුස්ලිම් ඡන්ද සහ උතුරු පළාතේ ද්රවිඩ ඡන්ද එකතු වූ විට ඉදිරි ජනාධිපතිවරණයේදී විපක්ෂ නායක සජිත් ප්රේමදාස මහතාට 50%ක ප්රතිශතය ඉක්මවා යෑමේ ඉතා පහසු අවස්ථාවක් නිර්මාණය වී ඇති බව බොහෝ දෙනාගේ අදහස වී තිබේ.
මීට අමතරව මෙම මත විමසුම මගින් ජාතික ජන බලවේගය ගනු ඇති බවට අනාවරණ කොට ඇත්තේ 20%ක ඡන්ද ප්රතිශතයකි. එමෙන්ම ශ්රී ලංකා පොදුජන පෙරමුණ හෙවත් පොහොට්ටුව ඉදිරි ජනාධිපතිවරණයේදී 9%ක ඡන්ද ප්රතිශතයක් ලබාගනු ඇති බවත්, එක්සත් ජාතික පක්ෂය සහ ශ්රී ලංකා නිදහස් පක්ෂය පිළිවෙළින් 5% බැගින් වූ ඡන්ද ප්රතිශතයක් ලබාගනු ඇති බවත් මත විමසුම මගින් අනාවරණ කොට ඇත.
එමෙන්ම 24%ක ප්රමාණයක් තවමත් ඡන්දය භාවිත කරනු ලබන අපේක්ෂකයා සම්බන්ධයෙන් තීන්දුවක් ගෙන නොමැති බවද මෙම සමීක්ෂණයෙන් අනාවරණය කොට තිබේ.
මෙම මත විමසුම සිදුකළ ආයතනය ජාත්යන්තර වශයෙන් කීර්තියට පත් ආයතනයක් ලෙස සැලකෙන අතර, පසුගිය දශක දෙකක කාලයක් පුරා ලංකාවේ දේශපාලනය සම්බන්ධයෙන් මත විමසුම් සිදුකළ ආයතනයක් ලෙස ප්රකටය. එමෙන්ම ඒ සෑම අවස්ථාවකදීම ඉතා නිවැරැදි ආකාරයේ තොරතුරු අනාවරණ කළ ආයතනයක් ලෙසටද එම ආයතනය ප්රකටව තිබේ.
පසුගිය සති කිහිපය පුරාම ආණ්ඩුවේ ප්රධානීන් මෙන්ම විපක්ෂයේ ප්රධානීන්ද පුල පුලා බලා සිටියේ මෙම මතවිමසුමේ ප්රතිඵල නිකුත් වන තෙක් වන අතර ඊට අනුව ඉදිරියේදී විශාල දේශපාලන පෙරළි ගණනාවක් සිදුවීමට නියමිතව ඇති බවද දැනගන්නට ඇත.
