ගඟ ඉහළ කෝරළේ ප්රාදේශීය සභාවේ සභාපතිවරයා විසින් පහරදුන් බව පැවසෙන පුද්ගලයෙකු රෝහල්ගතව ප්රතිකාර ලබයි.Sri Lanka Latest News
එම පුද්ගලයා සඳහන් කරන්නේ, ඊයේ (28) රාත්රී 11ට පමණ තමන් ව්යාපාරික ස්ථානයේ සිට නිවස බලාගමන් කරමින් සිටියදී යතුරුපැදියක් මාර්ගය හරස් කර නතර කළ බවය.
එහි ගඟ ඉහළ කෝරළේ ප්රාදේශීය සභාවේ සභාපතිවරයා සහ තවත් පුද්ගලයෙකු සිටි බවත් ඔවුන් බීමතින් සිට තමාට බැනවැදුණු බවත් රෝහල්ගතව සිටින පුද්ගලයා ‘අද දෙරණ’ට පැවසීය.
“පාර හරහා බයික් එක දැම්මා. ඒකේ හැප්පිලා මම වැටුණා. එයා මට තර්ජනය කරා තොපිව මරන්න ඕනේ, තොපි නිසා අපිට දේශපාලනය කරගන්න බැරි වුණා කියලා. මාව තල්ලු කරාම මම වැටුණා. තොපි වගේ උන්ව මරන්න ඕනේ කියලා දුවගෙන ඇවිත් පපුවට දණහිස තියලා ඇන්නා. හොඳටම ගැහුවා. මට හුස්ම ගන්න බැරි වුණා. සෑහෙන්න අමාරු වුණා මට. මම කිව්වා ගහන්න එපා මට හුස්ම ගන්න බෑ කියලා. තව දෙන්නෙක් හිටියා ඒ අයට කිව්වා මුව ගිහින් දාපන් හොස්පිටල් එකට මට ඕන දෙයක් කරන්න පුළුවන් කිව්වා.”
මීට පෙර වූ සිද්ධිය!
ගඟ ඉහළ කෝරල ප්රාදේශීය සභාවේ මාලිමා සභාපති පොලීසියේ යකා නටයි
September 29, 2025
ගඟ ඉහළ කෝරළය ප්රාදේශීය සභාවේ ජාතික ජන බලවේගයේ සභාපතිවරයා ඔහුගේ ආධාරකරුවන් බව පැවැසෙන කණ්ඩායමක් සමඟ ගම්පොළ නව කුරුඳුවත්ත පොලිස් ස්ථානයේ දී කලහකාරී ලෙස හැසිරී ඇති බව වාර්තා වේ.
පොලිස් වාර්තා අනුව, සිද්ධියට මුල් වී ඇත්තේ පොලිසියේ රථ වාහන අංශයේ පොලිස් සැරයන්වරයෙකු විසින් රාත්රියේ දී මාර්ගයක් ආසන්නයේ හිමිකරුවකු නොමැතිව පැය ගණනාවක් නවතා තිබූ ත්රිරෝද රථයක් නීත්යනුකූල ආකාරයට අයිතිකරුවකු නොමැති දේපළක් ලෙස පොලිස් ස්ථානයට භාර දීමයි.
පසුව එම රාත්රියේම තරුණයන් තිදෙනෙකු පොලිස් ස්ථානය ඉදිරිපිටට පැමිණ, “කවුද යකෝ අපේ ත්රිවිල් එක පොලිසියට අරගෙන ආවේ? උඹලට අයිතියක් තියෙනවද අපේ ත්රීවිල් එක පොලිසියට අරගෙන එන්න.” යනුවෙන් කෑකෝ ගසමින් හා කලහකාරී ලෙස හැසිරී ඇත. මෙහිදී උප පොලිස් පරීක්ෂකවරයෙකු ඇතුළු පොලිස් කණ්ඩායමක් විසින් එම තරුණයන් තිදෙනා පොලිස් භාරයට ගෙන තිබේ.
අත්අඩංගුවට ගත් තරුණයන් තිදෙනා බීමතින් සිටින්නේදැයි තහවුරු කර ගැනීම සඳහා නව කුරුඳුවත්ත රජයේ රෝහලේ වෛද්යවරයකු වෙත ඉදිරිපත් කර ඇති අතර, වෛද්යවරයා විසින් ඔවුන් තිදෙනාම බීමතින් සිටින බවට තහවුරු කරමින් වෛද්ය වාර්තා ඉදිරිපත් කර ඇත.
අත්අඩංගුවට ගත් තරුණයන් තිදෙනා අතර සභාපතිවරයාගේ පුත්රයා සහ ඔහුගේ මිතුරන් දෙදෙනෙකු සිටින බව දැනගත් ප්රාදේශීය සභා සභාපතිවරයා, ඔහුගේ ආධාරකරුවන් යැයි කියන කණ්ඩායමක් සමඟ පොලිස් ස්ථානයට පැමිණ ඇත.
එහිදී සභාපතිවරයා තම පුත්රයාට පොලිසියෙන් පහර දුන් බවට චෝදනා කරමින්, පොලිස් නිලධාරීන්ට දැඩි ලෙස දෝෂාරෝපණය කරමින් කලහකාරී ලෙස හැසිරී ඇති බව පොලිස් ආරංචි මාර්ග අනාවරණය කරයි. පසුව සභාපතිවරයාගේ පුත්රයා රෝහලට ඇතුළත් කර තිබේ.
කෙසේ වෙතත්, පොලිසිය පවසන්නේ සභාපතිවරයාගේ පුතාට පහර නොදුන් බවත්, සභාපතිවරයාගේ චෝදනාව ප්රතික්ෂේප කරන බවත්ය.
