එක්ස්ප්රස් පර්ල් නෞකාවෙන් හානි වුයේ මීගමුවේ සිට පානදුර දක්වා පමණක් බවට ධිවර අමාත්යාංශය තක්සේරු කර ඇති නමුත් පසුගිය දිනක පුත්තලම වෙරළ තීරයට ද මෙම අපද්රව්ය පැමිණි බවත් ඒ නිසා මුලින්ම ධිවර අමාත්යාංශයේ ඔලුව හැදිය යුතු බවත් එක්ස්ප්රස් පර්ල් නෞකාවේ පාරිසරික ව්යසනය පමණක් නොව නිව් ඩයමන්ඩ් නෞකාවෙන් සිදුවූ ඛේදවාචකයෙන් මෙරට සමුද්රීය පද්ධතිය විශාල හානියක් සිදුවූ බවත් මෙමඟින් සමස්ත මත්ස්ය සම්පතට හානියක් සිදු වූ බවත් විපක්ෂ නායකවරයා පැවසීය.Sri Lanka Latest News
රජය සීමිත බලප්රදේශයකට පමණක් හානි සිදු වූ බවත් ඔවුන්ට පමණක් වන්දි ලබා දිය යුතු බව කිව්වත් මොවුන් වගකීම් පැහැර හරිමින් සිටින බවත් සමගි ජන බලවේගය ධිවර ජනතාව ගැන සිතුවත් රජයට ධිවර ජනතාව සම්බන්ධයෙන් කිසිදු අවබෝධයක් නොමැති බවත් පැවසූ විපක්ෂ නායකවරයා කියා සිටියේ ඔවුන්ට බිම් මට්ටමේ ජනතාවගේ දුක කදුල වේදනාව ගැන කැක්කුමක් නොමැති බව යි.
විපක්ෂ නායක සජිත් ප්රේමදාස මහතා මේ බව කියා සිටියේ අද (22) දොඩම්දූව වරායේ නිරීක්ෂණ චාරිකාවකට එක් වූ අවස්ථාවේ දී ය.
රට වටේ මුහුද සහ වෙරළ තිරයේ සිට නාවුක සැතපුම් 200ක අනන්ය ආර්ථික කලාපයක හිමිකම තිබිලත් මේ රටේ ධිවර කර්මාන්තයෙන් දළ දේශීය නිෂ්පාදිතයට ලැබෙන දායකත්වය ප්රමාණවත් නොමැති බවත් එය ශෝචනීය තත්ත්වයක් බවත් මීට වඩා විශාල දායකත්වයක් ධිවර කර්මාන්තයෙන් ලැබිය යුතු බවත් විපක්ෂ නායකවරයා පැවසීය.
මේ අවස්ථාවේ දොඩම්දූව වරායට පැමිණියේ පොරොන්දු ලබා දීමට නොව බලල යන්නට බවත් වැඩක් සිදු කරනවාද යන්න පිළිබඳ සැකයක් ඇත්නම් පසුගිය වසර 23ක කාලය තුළ පාර්ලිමේන්තුවේ සිට තමා සිදු කළ සේවාවන් ගැන සොයා බලන ලෙසත් විපක්ෂ නායකවරයා මෙහි දී පැවසීය.
