ජන්ද ප්රමාණය කෙසේ වෙතත් මේ මොහොත වන විට වත්මන් ජනාධිපතිවරයාට ඇති එකම විකල්පය සමගි ජන බලවේගය බවත් සෙසු කොටස් සීසීකඩ විසිවී ඇති බවත් මේ අමාරු අවස්ථාවේ වුවත් සියලු දෙනා එකට එකතු විය යුතු බවත් කවුරු අසුබවාදී අදහස් ඉදිරිපත් කළත් සුබවාදීව බැලිය යුතු බවත් විපක්ෂ නායකවරයා පැවසීය.Sri Lanka Latest News
ජනාධිපතිවරණය පරාජයට පත් වුවත් පසුබැමට ලක් වුවත් ඒ හරහා පාඩම් ඉගෙන ගෙන ඉදිරියට යා යුතු බවත් තමා ඉන්දීය විදේශ ඇමතිවරයා මුණ ගැසුනු අවස්ථාවේ ජනාධිපතිවරණයේ දී ජය පරාජයවුවත් සියලු දෙනාගේ අරමුණ රට දිනවිම නිසා අප රටට උදව් කරන ලෙස ඉල්ලා සිටි බවත් මේ මොහොතේ ණය ගෙවාගත නොහැකි බවත් අපේ රටේ ලක්ෂ 220 ජනතාව දුක්විදින නිසා ජනතාව නැවත නගා සිටුවා රට ගොඩගත යුතු බවත් විපක්ෂ නායක සජිත් ප්රේමදාස මහතා පැවසීය.
එසේම තරුණයන්ට දරුවන්ට කාන්තාවන්ට ජ්යෙෂ්ඨ පුරවැසි ආදි සියලු දෙනා රකින තැනට යා යුතු බවත් සමගි ජන බලවේගයේ ප්රතිපත්තිය පළමුවත් දෙවනුවත් තෙවනුවත් රට රැක ගැනිම හා ආරක්ෂා කර ගැනීම බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද කඩුවෙල දී සමගි ජන බලවේග පක්ෂ ක්රියාකාරීන් සමග පැවැති හමුවකදීය.
පාර්ලිමේන්තු බලය සමගි ජන බලවේගයට ලැබුණු පසු හොද ගමනක් යා හැකි බවත් ජනතාවට හතුරුකම් කර එදිරිවාදිකම් කිරිමට තමාට පුරුදු නැති නිසා රට ගොඩනගන ගමනට නායකත්වය ලබා දිය යුතු බවත් 2028 වන විට ණය ගෙවීමේ ක්රියාවලිය ආරම්භ වන නිසා එයට සුදානම් විය යුතු බවත් විපක්ෂ නායකවරයා වැඩිදුරටත් පැවසීය.
ඒ සදහා ජන ජීවිත ශක්තිමත්.වී ආර්ථිකය වර්ධනය වී නව ව්යවසායකයන් බිහි කළ යුතු බවත් මේ සදහා නිසි දර්ශනයක් වැඩපිළිවෙළක් ක්රියාත්මක කළ යුතු බවත් ඒ සදහා සුදුසු කණ්ඩායම සිටින්නේ සමගි ජන බලවේගයේ බවත් විපක්ෂ නායකවරයා තවදුරටත් පැවසීය.
