හිටපු කතානායක අශෝක රන්වල මහතාට ආචාර්ය උපාධි සහතිකය ඉදිරිපත් කිරීමට අවශ්ය තරම් කාලය ගතවී ඇති බැවින් දැන් ඔහුට සහතිකයක් නැතැයි තමා සිතන බව අමාත්ය බිමල් රත්නායක පැවැසීය. දෙරණ රූපවාහිනී නාලිකාවේ පසුගිය 20 වැනිදා පැවැති දේශපාලන වැඩසටහනකදී නැගූ ප්රශ්නයකට පිළිතුරු දෙමින් අමාත්යවරයා සඳහන් කළේ, අශෝක රන්වල තම ආචාර්ය උපාධි සහතිකය ඉදිරිපත් කරන බවට ලබාදුන් පොරොන්දුවට වසරකට වැඩි කාලයක් ගතවී ඇතත් මෙතෙක් එය ඉටුකර නොමැති බවත්, ඒ හේතුවෙන් පක්ෂයක් ලෙස ඔහුට දියහැකි උපරිම දේශපාලන දඬුවම ලබාදී ඇති බවයි. එම දේශපාලන සංවාදයේදී මාධ්යවේදියා විමසූ ප්රශ්නවලට අමාත්ය බිමල් රත්නායක මහතා ලබාදුන් පිළිතුරු පහත දැක්වේ. Sri Lanka Latest News
මාධ්යවේදියා
2024 නොවැම්බර් මාසේ කැබිනට් මාධ්ය හමුවේදී නලින්ද ජයතිස්ස මහත්මයා බොහොම වගකීමෙන් කිව්වා ඉතාම කෙටි කාලයකින් එතුමා එතුමාගේ උපාධි සහතිකය ඉදිරිපත් කරයි කියලා. දැන් මේ වෙද්දි අවුරුද්දකට වැඩි කාලයක් ගතවෙලා තියෙනවා එතුමාට උපාධි සහතිකයක් ඉදිරිපත් කරන්න හැකියාව ලැබිලා නැහැ. එතකොට ඔබ කිව්වා ක්ෂ්, ක්ෂෘ, පොලිසිය, රහස් පොලිසිය මේ සියල්ලටම කලින් පක්ෂයට තේරෙනවා කියලා, එතකොට එදා අර පොල්ගම්පොලට ඉටුවෙච්ච ඒ නීතිය ක්රියාත්මක වීම ඇයි රන්වලට වෙන්නේ නැත්තේ මේ වෙලාවේ? ආණ්ඩුවේ ඉන්න හින්දද?
අමාත්ය බිමල් රත්නායක
නෑ කිසිසේත්ම ආණ්ඩුවේ හින්දා නෙවෙයි. ඔහු රටට කරපු ප්රකාශයක් තියෙනවානේ ඒක ඉදිරිපත් කරනවා කියලා. ඔහුට වගකීමක් තියෙනවා ඒක ඉදිරිපත් කරන්න.
මාධ්යවේදියා
හැබැයි එහෙම නොකළොත් ක්රියාත්මක වෙන්න ඔබතුමාලාගේ පක්ෂයේ ජ්යෙෂ්ඨයන්ට වගකීමක් තියෙනවා?
අමාත්ය බිමල් රත්නායක
ඉතින් අපි කළානේ. එයා රටේ තුන්වෙනි පුරවැසියා විදිහට හිටියේ. අපේ එයාට දේශපාලන වශයෙන් පක්ෂයක් දෙන්න පුළුවන් දඬුවම දීලා තියෙන්නේ.
මාධ්යවේදියා
නැහැ මෙහෙමනේ. එතුමා එවැනි පදවියක් සම්බන්ධයෙන් බොරු කළා නම් මහජන ඡන්දයකට ඉදිරිපත් වුණේ ඔහු ගත්ත සෑම මනාපයක්ම ඔහු ලබාගත්තේ ඒ මත. එතකොට කතානායක කියන්නේ පාර්ලිමේන්තුව තුළ ඔහුට ලැබෙන තනතුරක්. රටේ ජනතාව ඔහු දිහා බලලා තමයි මේ තනතුර ඔහුට දුන්නේ. එහෙම ගත්තාම ඒකෙන් සෑහීමකට පත්වෙන්න බැහැ. ඔබතුමාලා වගේ විනයගරුක පක්ෂයක්, විශේෂයෙන්ම අවුරුද්දක් පැනලා එතුමා ඒ සම්බන්ධයෙන් එදා ඉඳන් අද වෙනකම් ප්රකාශයක් කරලත් නැහැ?
අමාත්ය බිමල් රත්නායක
ඔහුට දේශපාලන වශයෙන් අපි දඬුවමක් දීලා තිබෙනවා.
මාධ්යවේදියා
ඒක උපරිමයද?
අමාත්ය බිමල් රත්නායක
ඒක බරපතළ එකක්. ඒක ලොකු එකක්. ඒක මනුස්සයෙක්ට විශාල එකක්. මම හිතන්නේ ඒක නොවුණා නම් හොඳයි.
මාධ්යවේදියා
ඒ කියන්නේ ඔබ එක්තරා ආකාරයකට මේ වෙලාවේ පිළිගන්නවා ‘ඒක නොවුණා නම් හොඳයි’ කියන්නේ එතුමා යම්කිසි ආකාරයක වංචනික විදිහට ඉදිරිපත් කරලා තියෙනවද?
අමාත්ය බිමල් රත්නායක
මම හිතන්නේ නැහැ ඒක වංචනිකයි කියලා.
මාධ්යවේදියා
එහෙම නොවුණා නම් හොඳයි කියන්නේ කතානායක ධුරයෙන් ඉවත් කරන්න නොවුණා නම් හොඳයි කියලද?
අමාත්ය බිමල් රත්නායක
නෑ. කතානායක ධුරයෙන් අයින් කරන්න ඕනේ එයාට සහතික ඉදිරිපත් කරන්න බැරි වෙච්ච නිසානේ කෙටි කාලයක් තුළදී. මම කිව්වේ ඒ සිදුවීම් මාලාව. මොකද අපිට අදහසක් තියෙනවා එයා සැබෑ පර්යේෂකයෙක්. එයාට ඒ පිළිගැනීම තිබෙනවා. ඒවා ගැන ඩිස්පියුට් එකක් නැහැ අපිට.
මාධ්යවේදියා
හැබැයි සහතිකයක් නැහැ?
අමාත්ය බිමල් රත්නායක
සහතිකයක් නැහැ කියලා මම හිතනවා. මොකද ඒ කියන්නේ එතුමාට සහතිකයක් ඉදිරිපත් කරන්න අවශ්ය තරම් කාලය දැන් ගතවෙලානේ තියෙන්නේ. එතුමා ඉතින් ඒක ඉටුකරන්න ඕනේ. එතුමා රටට පොරොන්දු වුණානේ දෙනවා කියලා.
මාධ්යවේදියා
එසේ නොකළොත් ඔහු සම්බන්ධයෙන් ගන්න උපරිම ක්රියාමාර්ගය කතානායක ධුරයෙන් ඉවත් කිරීම, ඒක අරන් ඉවරයි. එහෙම කිව්වොත් හරිද?
අමාත්ය බිමල් රත්නායක
කතානායක ධුරයට පත්වෙච්ච කෙනෙක් ඒකෙන් අයින් කළාට පස්සේ මම හිතන්නේ දේශපාලන වශයෙන් හෝ සාමාජීය වශයෙන් හෝ පුද්ගලික වශයෙන් දෙන්න තියෙන ඔක්කොම දඬුවම් ලැබිලා ඉවරයි.
මාධ්යවේදියා
ඒ කියන්නේ පක්ෂය සම්බන්ධයෙන් අභ්යන්තරව ඔහුගේ පක්ෂ සාමාජිකත්වය සම්බන්ධයෙන් කිසිවක් කළ යුතු නැහැ ඔබ හිතන්නේ?
අමාත්ය බිමල් රත්නායක
පක්ෂය ඒ පිළිබඳ පරීක්ෂණයක් කළා. පක්ෂය ගත්ත තීරණය මම හිතනවා ඔහුට සහ මුළු පක්ෂයටම, මුළු පක්ෂයටම අනාගතයටත් එක්ක ඉතාම බරපතළ ලෙස දැනෙනවා ඇති කියලා.
