දොස්තර රවි රන්නන් එලිය මහතා විසින් ප්රධානත්වය දරන සෞඛ්ය ප්රතිපත්ති පිළිබඳ ආයතනය කරන ලද නවතම සමීක්ෂණයකින් විපක්ෂ නායක සජිත් ප්රේමදාසට සහ ජනාධිපති රනිල් වික්රමසිංහට ඇති ජන ප්රසාදය තවදුරටත් පහළගොස් ඇති බව අනාවරණය කොට තිබේ.Sri Lanka Latest News
ඒ අනුව එම ආයතනයේ නවතම දත්ත අනුව විපක්ෂ නායක සජිත් ප්රේමදාස සඳහා ඇති ප්රසාදය ශ්රේණිගත කිරීම් ඒකක 13කින් පහළ ගොස් -66 දක්වාත්, ජනාධිපති රනිල් වික්රමසිංහට ඇති ප්රසාදය ශ්රේණිගත කිරීම් ඒකක 8කින් පහත වැටී -65 දක්වාත් පහළගොස් ඇත.
කෙසේවෙතත් එම මතවිමසුමට අනුව ජාතික ජන බලවේගයේ නායක අනුර කුමාර දිසානායකගේ ශ්රේණිගත කිරීම ඒකක 10 කින් වර්ධනයවී -9 බවට පත්ව ඇති බව සදහන් කොට ඇත.
කෙසේවෙතත් මෙම මතවිමසුම් සිදුකිරීම සදහා රන්නන් එලිය මහතා විසින් සිය ආයතනයේ සිටින සේවක සේවිකාවන් 1000ක නියදියක් තෝරාගැනීම පිළිබදව විවිධ පාර්ශ්වයන්හි දැඩි විවේචන එල්ල වී තිබිණ.
එහිදී බොහෝ දෙනා චෝදනා කොට තිබුණේ දොස්තර රවි රන්නන් එලිය මහතා ජවිපෙ නායක අනුර කුමාර දිසානායක මහතාගේ ජනප්රියත්වය ඉහළ ගොස් ඇති බව කියමින් ඒ හරහා ජනාධිපතිවරයාට වාසිසහගත පරිසරයක් නිර්මාණය කරන ප්රතිපල සමාජගත කිරීමට කටයුතු කොට ඇති බවය.
එසේම ජනාධිපතිවරයාගේ පක්ෂය වන එක්සත් ජාතික පක්ෂය සහ සමගි ජන බලවේගය එක්විය යුතු බවට වූ මතයක් රට ඇතුළේ නිර්මාණය කිරීමටද සිය මතවිමසුම් හරහා රන්නන් එලිය මහතා උත්සාහ කටයුතු කොට තිබිණ.
විශේෂයෙන්ම රන්නන් එලිය මහතාගේ මතවිමසුම්වල පොහොට්ටු ආණ්ඩුව පවතින්නේ ජනාධිපතිවරයාගේ ශක්තිය හේතුකොටගෙන බවද පෙන්වා දී තිබිණ.
ඒ අනුව එජාපය හා සජබය එක්විය යුතු බවද මෙම මතවිමසුම්වලින් වැඩිදුරටත් කියවිණ.
නමුත් එම දේශපාලන මෙහෙයුම අසාර්ථක වීමෙන් පසු රනිල් වික්රමසිංහ මහතාගේ ප්රතිරූපය ඉහළ යමින් පවතින බවත්, විපක්ෂනායකවරයාගේ ප්රතිරූපය පහළ යමින් පවතින බවත් කියමින් මතවිමසුම් ප්රතිපල නිකුත් වූ ආකාරයක් දැකගත හැකිවිය.
කෙසේවෙතත් මෙම පක්ෂග්රාහී මතවිමසුම් ප්රතිපලවලට සමාජයෙන් දැවැන්ත විරෝධයක් එල්ල වීමෙන් අනතුරුව මෙවර ජනාධිපතිවරයාගේ ජනප්රියත්වය පහළ දමා අනුර කුමාර දිසානායක මහතාගේ ජනප්රියත්වය ඉහළ ගොස් ඇති බව කියමින් නවතම සමීක්ෂණ ප්රතිබලයක් සමාජගත කිරීමට රන්නන් එලිය මහතා කටයුතු කොට ඇත.
