පසුගිය සතියේදී ජනාධිපතිවරයාට විපක්ෂයෙන් එල්ල වූ ප්රබල චෝදනාවක් වූයේ මසකට වතාවක් ජනාධිපතිවරයා විදේශගත වීමට කටයුතු කරනවා යැයි කියාය. Sri Lanka Latest News
විපක්ෂ නායක සජිත් ප්රේමදාස මහතාත්, ජවිපෙ නායක අනුර කුමාර දිසානායක මහතාත්, පාර්ලිමේන්තුවේදීත් ඉන් පිටතදීත් කියා සිටියේ ජනාධිපතිවරයා බලයට පැමිණ ගතවූ මාස 17ට 18 වතාවක් විදෙස්ගතව ඇති බවකි.
අනුර කුමාර තවත් චෝදනාවක් කරමින් කියා සිටියේ එම වියදම් සහ ජනාධිපතිවරයාගේ අනෙකුත් වියදම් සඳහා අයවැයෙන් යොමුකළ මුදලට අමතරව තවත් රුපියල් ලක්ෂ 2000ක් වෙන්කර ගැනීමටද ජනාධිපතිවරයා කටයුතු කර ඇතැයි කියාය.
ඔවුන් මේ බව පාර්ලිමේන්තුවේ කියද්දී ජනාධිපතිවරයා සිටියේ සිය ස්විට්සර්ලන්ත සහ උගන්ඩා සංචාරයන්ට එක්වෙමිනි.
මෙවර අප ‘රාජ්ය රහස්’ තීරයෙන් රටට අනාවරණ කිරීමට සූදානම් වන්නේ ජනාධිපතිවරයාගේ 19 වැනි විදෙස් සංචාරය පිළිබඳවය.
මෙවර ජනාධිපතිවරයා සිය 19 වැනි විදෙස් සංචාරය ලෙස තෝරාගෙන ඇත්තේ ඔස්ටේ්රලියාවය.
ලබන පෙබරවාරි 09 වැනි දින ඔස්ටේ්රලියාවේ පර්ත් නුවර දේශගුණ විපර්යාස පිළිබඳ සමුළුවක් පැවැත්වෙන අතර, ඊට සහභාගි වීමට ජනාධිපතිවරයා තිරණය කොට ඇති බවක් මේ වන විට ‘රාජ්ය රහස්’ තීරයට ආරංචිය.
