ඉකුත් සති අන්තයේ හිටපු ජනාධිපති රනිල් වික්රමසිංහ මහතා සිංගප්පූරුවේ කරන ලද සංචාරයක් අතරතුරදී එරට හිටපු අගමැතිවරයකු වූ ලී සියෑන් ලූන් හමුවීමට ගත් උත්සාහය ව්යර්ථ වී ඇති බව වාර්තා වේ.Sri Lanka Latest News
හිටපු ජනාධිපති රනිල් වික්රමසිංහ ඉකුත් මැයි මස 29 වැනිදා සිංගප්පුරුවේ සංචාරයක් සඳහා පිටත්ව ගොස් ඇති අතර එහිදී හිටපු අගමැති සියෑන් ලුන් මහතා හමුවී සාකච්ඡා කිරීමට අවශ්ය බව දැනුම් දී තිබුණත් එම පාර්ශවයෙන් එය ප්රතික්ෂේප කිරීම ඊට හේතුව වී තිබේ.
ඒ අනුව හිටපු ජනාධිපතිවරයා මෙම සංචාරයේදී සිංගප්පූරු බලධාරීන් කිහිප දෙනකු හමුවී පෞද්ගලිකව අදහස් හුවමාරු කරගෙන ඇති බව දැනගන්නට ඇත.
මෙහිදී හිටපු අගමැතිවරයා සමග නිල නොවන සාකච්ඡාවක් හෝ හිටපු ජනාධිපතිවරයාට අවස්ථාව සලසා දීමට එරට බලධාරීන් කිහිපදෙනකු උත්සාහ ගත්තද, රාජ්ය තාන්ත්රික සබඳතාවලට පටහැනි වන බැවින් හිටපු ජනාධිපතිවරයා එයද ප්රතික්ෂේප කර ඇති බව පැවසේ.
පසුගිය කාලය පුරාම රනිල් වික්රමසිංහ මහතා විදෙස් සංචාරවල නිරත වෙමින් මේ අයුරින් කෙසේ හෝ හිටපු රාජ්ය නායකයන් හමුවී ඔවුන් සමග සිටින ඡායාරූප මෙරට මාධ්යවල පළ කරවා ගැනීමට පියවර ගෙන තිබිණ.
ඒ හරහා වික්රමසිංහ මහතා රටට පෙන්වා දීමට උත්සාහ කළේ තවමත් තමන්ට ජාත්යන්තර සබධතා ඇති බවය.
නමුත් අවස්ථා ගණනාවකදීම මව්රට පුවත්පත සහ වෙබ් අඩවිය උදාහරණ සහිතවම පෙන්වා දුන්නේ මේ කියන ආකාරයේ කිසිදු ජාත්යන්තර සබධතාවක් වික්රමසිංහ මහතාට නොමැති බවත්, තමන් ජාත්යන්තර දේශපාලඥයකු බව රටට පෙන්වීම සදහා වික්රමසිංහ මහතා විසින් මෙම රගපෑම සිදුකරන බවත්ය.
අවම වශයෙන් වසර දෙකක් ජනාධිපති ධූරයේ කටයුතු කළද එකදු ආයෝජනයක් රටට ලබා ගැනීමට හෝ ජාත්යන්තරයේ සහාය ලබාගෙන රට දියුණු කිරීමට වික්රමසිංහ මහතාට නොහැකි වීම ඊට හොදම උදාහරණයය.
සිංගප්පූරුවේ හිටපු අගමැතිවරයා හමුවීමට හිටපු ජනාධිපතිවරයකු වශයෙන් රනිල් වික්රමසිංහ මහතා ගත් උද්සාහය අසාර්ථක වීමද එම කරුණ තහවුරු කරන තවත් උදාහරණයකි.
හිටපු ජනාධිපතිවරයා සිංගප්පූරු සංචාරය නිමාකර පෙරේදා (02 වැනිදා) යළි මෙරටට පැමිණියේය.
