ත්රස්තවාදය වැළැක්වීමේ පනත යටතේ 2016 වසරට පෙර ගොනු කර ඇති නඩු සියල්ල මේ වසර අවසානයට පෙර නිමා කිරීමට සැලසුම් කර ඇති බව අධිකරණ අමාත්ය අලි සබ්රි මහතා පැවසීය.
විශේෂ සම්මුඛ සාකච්ඡාවකට එක්වෙමින් ඇමතිවරයා කියා සිටියේ 2016 වසරට පෙර පැවති සහ 2016 වසරට පෙර ගොනු කර තිබූ නඩු මේ වසර අවසානයට පෙර අවසන් කළ යුතු බවට අගවිනිසුරුවරයා විසින් චක්රලේඛයක්ද යොමු කොට ඇති බවකි.
ත්රස්තවාදය වැළැක්වීමේ පනත යටතේ අත්අඩංගුවේ සිටින අයට එරෙහිව නඩු පැවරිය යුතු බවත්, කිසිදු චෝදනාවක් නොමැති නම් ඔවුන් නිදහස් කළ යුතු බවත් සබ්රි මහතා එහිදී සදහන් කොට තිබේ.
එමෙන්ම ත්රස්තවාදය වැළැක්වීමේ පනතෙහි සංශෝධන කටයුතු මේ වනවිට සිදු කෙරෙමින් පවතින බවද අමාත්යවරයා පැවසීය.
