වන අලින්ට ආහාර ලබා දෙන සහ ඔවුන්ට හානි කරන පුද්ගලයින් වැඩි වශයෙන් වාර්තා වීමත් සමඟ ඒ සියලු දෙනා අත්අඩංගුවට ගන්නා ලෙස වනජීවී අධ්යක්ෂ ජනරාල්වරයා උපදෙස් දී තිබේ.
වනජීවී දෙපාර්තමේන්තුවේ අධ්යක්ෂ ජනරාල් චන්දන සූරියබණ්ඩාර පැවසුවේ බුත්තල – කතරගම මාර්ගයේ පමණක් නොව උඩවලව, හබරණ ආදි ප්රදේශවලින් ද මෙම සිදුවීම් වාර්තා වන බවයි.
බුත්තල – කතරගම මාර්ගයේ වන අලි ප්රහාර හේතුවෙන් වාහනවලට අනතුරු සිදුවන අවස්ථා දැක්වෙන මාධ්යවල මෙන්ම සමාජ මාධ්යවල පළවන පුවත් පිළිබඳව මේ සම්බන්ධයෙන් අමාත්යාංශයේ අවධානය යොමුව තිබූ බවද ඒ මහතා පැවසීය.
ඒ අනුව එම මාර්ගවල රථවාහනවල ගමන් කරන ජනතාව ආහාර ලබාදීම හේතුවෙන් වන අලින්ගෙන් සිදුවන හානිය ඉහළ ගොස් ඇති බව ද ඔහු සඳහන් කළේය.
එම සතුන් වාහනවලින් ආහාර ලබා ගන්නා බවත් ඇතැම් මගීන් සහ රියදුරන් කටු ගසා වන අලි පලවා හැරීමට උත්සාහ කර ඇති බවත් ඔවුහු පැවසූහ.
පසුගිය දින හතර තුළ යාල අඩවි වන අඩවි කාර්යාලයේ නිලධාරීන් සහ වාහන යොදවා අලුයම 5.00 සිට මධ්යම රාත්රිය දක්වා බුත්තල – කතරගම මාර්ගයේ අයාලේ යන වන අලි පලවා හැරීම සඳහා ජංගම රථ යොදවා තිබුණි.
පසුගිය දින හතරක කාලය තුළ බුත්තල කතරගම මාර්ගයේ ජංගම රථ යෙදවීම හේතුවෙන් වන අලි පාරට පැමිණීම නතර වූ බවත්, එම කාලය තුළ වාහනවලට හානි සිදු වූ සිදුවීම් වාර්තා නොවූ බවත් වනජීවී දෙපාර්තමේන්තුව පවසයි.
වනජීවී අධ්යක්ෂ ජනරාල් චන්දන සූරියබණ්ඩාර මහතා පැවසුවේ මින් ඉදිරියට මෙම වැඩසටහන ක්රියාත්මක කිරීමට වනජීවී දෙපාර්තමේන්තුව තීරණය කර ඇති බවයි.
