ආණ්ඩුව ගෙනඒමට සූදානම් වන නව බදු පනත තුළ භයානක වගන්ති ඇතුළත් කොට ඇති බව විපක්ෂනායක සජිත් ප්රේමදාස මහතා පෙන්වා දෙයි.Sri Lanka Latest News
X පණිවුඩයක් නිකුත් කරමින් විපක්ෂනායකවරයා මේ බව පෙන්වා දී ඇත.
ජනතාව කෝපයට පත්ව ඇත්තේ බදු ගෙවීම පිළිබඳව නොවේ. ඔවුන් කෝපයට පත්ව ඇත්තේ තමාට අසාධාරණ ලෙස සැලකීම පිළිබඳවයි.
යෝජිත මෙම 185අ වගන්තිය මඟින්, බදු වාර්තා ගොනු කිරීම ප්රමාද වීම හෝ ලියාපදිංචි වීමේ ප්රමාදයන් වැනි පරිපාලනමය වැරදි පවා අපරාධ වරදවල් බවට පත් කරනු ලබයි. එහි අර්ථය නම්, ජීවත් වීමට වෙහෙසෙන සුළු පරිමාණ ව්යාපාරිකයෙකුට ද, හිතාමතා රුපියල් මිලියන ගණනින් බදු ගෙවීම් පැහැර හරින අයෙකුට හා සමානව සැලකිය හැකිය යන්නයි.
එය දෝෂ සහගත තත්ත්වයකි.
බදු ක්රමය නිවැරදි කිරීම, දේශීය ආදායම් දෙපාර්තමේන්තුව (IRD) නවීකරණය කිරීම සහ බදු අනුකූලතාවය පහසු කිරීම වෙනුවට, රජය කරන්නේ සාමාන්ය ජනතාව අපරාධකරුවන් කිරීම නමැති කෙටි මාවතට පිවිසීමයි.
මෙතරම් වේගයෙන් නීති සම්මත කිරීමට ඔවුන්ට ශක්තියක් තිබේ නම්, සැබෑ දූෂණ විරෝධී පනත්වලට සිදුවූයේ කුමක්ද? මූල්ය වංචා, මුදල් විශුද්ධිකරණය සහ මහජන දේපළ සොරකම් කළ අයට එරෙහිව ගනු ලබන පියවරයනට සිදුවූයේ කුමක්ද?
දූෂිතයන් හඹා යන්න. සැබෑ වංචාකාරයන්ට දැඩි ලෙස දඬුවම් කරන්න. එනමුත් සාමාන්ය ජනතාවට එරෙහිව අවියක් ලෙස නීතිය භාවිතා නොකරන්න.
නීති මඟින් සාධාරණත්වය, සමානුපාතිකත්වය සහ ජනතාවගේ ආණ්ඩුක්රම ව්යවස්ථාපිත අයිතිවාසිකම් උල්ලංඝනය වන අවස්ථාවන්හි අපි කිසිසේත්ම නිහඬව නොසිටින්නෙමු.
People are not angry about paying taxes. People are angry about being treated unfairly.
— Sajith Premadasa (@sajithpremadasa) May 14, 2026
This proposed 185A clause turns even administrative mistakes like delays in filing returns or registration into criminal offences. That means a small businessman struggling to survive can be…
