සම්බුද්ධ ශාසනයේ අනරක්ෂිතභාවය ගැන මහා සංඝරත්නයට සිදුවන අගතිගාමී ක්රියාදාමයන් ගැන සාකච්ඡා වන මේ මොහොතේ අපගේ ආණ්ඩුක්රම ව්යවස්ථාවේ දෙවැනි පරිච්ඡේදයේ නව වැනි ව්යවස්ථාවෙන් බුද්ධ ශාසනයට ඉහළ ස්ථානයක් ලබා දී එය ශක්තිමත් කර පෝෂණය කිරීම ප්රවර්ධනය කිරීම ගැන සඳහන් බව අමතක නොකළ යුතු බවත් ඊට අමතරව සෙසු ආගම්වලට ද සංස්කෘතීන්ට ද නිසි ස්ථාවරය රැකවරණය ද ලබා දී ඇති බවත් විපක්ෂ නායකවරයා පැවසීය.Sri Lanka Latest News
එදා රණසිංහ ප්රේමදාස ජනාධිපතිතුමා බුද්ධ ශාසන අමාත්යාංශය නිර්මාණය කර සම්බුද්ධ ශාසනයට මුල්තැන දී බුද්ධ ශාසන අරමුදල පිහිටුවා වචනයේ පරිසමාප්තියෙන්ම සම්බුද්ධ ශාසනය සුරක්ෂිත කර පෝෂණය කරන්න කටයුතු කළ බවත් එදා වර්තමානයේ වගේ අස්ථාවරත්වය මෙන්ම ගෞරවනීය මහා සංඝරත්නයට කෙනෙහෙලිකම් කිරීම් සිදු නොවු බවත් එදා සම්බුද්ධ ශාසනයට මුල්තැන ලබා දෙමින් කැබිනට් අමාත්යාංශයක් ඇති කර සෙසු ආගම්වලට ද රාජය අමාත්යාංශ ස්ථාපිත කරමින් සෙසු ආගම් සුරක්ෂා කිරීමේ සමබර වැඩපිළිවෙළක් ක්රියාත්මක වු බවත් විපක්ෂ නායක සජිත් ප්රේමදාස මහතා පැවසීය.
විපක්ෂ නායක සජිත් ප්රේමදාස මහතා මේ බව කියා සිටියේ අද වෙල්ලස්ස බින්තැන්න නැගෙනහිර තෙපළාතේ ප්රධාන සංඝනායක පදවියෙන් පිදුම් ලැබූ සංඝකීර්ති ශ්රී සරණංකර දේවරක්ඛිත මහඔය ජිනරතන ස්වාමීන් වහන්සේ වෙනුවෙන් පැවැති උත්සවයක් අමතමිනි.
ශ්රී ලංකාව නිරාගමික කරන්න කාටවත් අයිතියක් නැහැ
මෙරට ජනතාවගේ මුලික හා මානව අයිතිවාසිකමක් වන්නේ තමන් අදහන ආගම දහම විශ්වාස කිරීම බවත් එය වෙනස් කිරීමට හෝ නිරාගමික දේශයක් බවට නම් කිරීමට අයිතියක් නොමැති බවත් එවැනි දෙයක් කරන්නේ නම් එය ජනතාවගේ මූලික හා මානව අයිතිවාසිකම් උල්ලංඝනය කිරීමක් බවත් විපක්ෂ නායකවරයා වැඩිදුරටත් පැවසීය.
බුදුදහමට ලබා දී ඇති මුල්තැන ඉවත් කරන්න දෙන්න බැහැ
ප්රජාතන්ත්රවාදයේ නාමයෙන් ආණ්ඩුක්රම ව්යවස්ථාව සංශෝධනය කරනවා කියා බුදුදහමට ලබා දී ඇති මුල්තැන ඉවත් කිරීමටද ඉඩ නොදෙන බවත් අද වන විට විවිධ බලවේග හා කණ්ඩායම් කුඨ ක්රමවේද උපයෝගී කර ගෙන සම්බුද්ධ ශාසනය කෙලෙසන්න උත්සහ කළත් එය මහපොළොවේ යථාර්ථයක් වීමට ඉඩ නොදෙන බවත් විපක්ෂ නායකවරයා තවදුරටත් පැවසීය.
දහම් අධ්යාපනය නැවත නඟා සිටුවිය යුතුයි
අද වන විට දහම් අධ්යාපනය එන්න එන්නම අඩුවී දරුවන් දහම් පාසල් යාම අඩුකර ඇති නිසා එයට පිළියම් යෙදිය යුතු බවත් බෞද්ධ ආගමික සිද්ධස්ථානවලට මුල්තැන ලබා දී සෙසු ආගමික ස්ථානවලටද නිසි තැන ලබා දී ශිෂ්ටසම්පන්න ජන සමාජයක් ගොඩනැගිය යුතු බවත් විපක්ෂ නායකවරයා පැවසීය.
රජදවසේ ලැබූ සෛරීත්වය නැවත ළඟා කර ගත යුතුයි
ජනතාව මුහුණ දෙන ප්රශ්නවලට විසදුම් දෙන්න සියලු දෙනා එකට එකතු විය යුතු බවත් ආණ්ඩුක්රම ව්යවස්ථාවේ සෛරීත්වය ගැන සඳහන් වූවාට ප්රමාණවත් නොවන බවත් එය සැබවින්ම අත්දකින දෙයක් විය යුතු බවත් ලෝකයේ සෙසු රටවල සිදුවන දෙයක් නිසා අප රටට බලපෑමක් නොවිය යුතු බවත් රජදවසේ ලැබු සෛරීත්වය සැබවින්ම තහවුරුවන ඒකීයභාවය ඇති වන සැම ජන කොට්ඨාසයක්ම ආරක්ෂා වන ආකාරයට කටයුතු කළ යුතු බවත් ඒ සදහා මහා සංඝරත්නය ඉදිරිපත් කළ යෝජනා කෙරෙහි අවධානය යොමු කළ යුතු බවත් විපක්ෂ නායකවරයා පැවසීය.
සම්බුද්ධ ශාසනයට එල්ල වන සැම අභියෝගයක්ම අපි පරාජය කරනවා
අවසාන වශයෙන් විපක්ෂ නායක සජිත් ප්රේමදාස මහතා තවදුරටත් කියා සිටියේ පාර්ලිමේන්තුවේ දී ප්රජාතන්ත්රවාදී ලෙස සම්බුද්ධ ශාසනයට එල්ලවන සෑම බලවේගයක්ම පරාජය කිරීමට විපක්ෂයක් ලෙස සමගි ජන බලවේගය පෙනී සිටින බවත් සෙසු ආගම් ආරක්ෂා කර සංස්කෘතීන් සුරක්ෂිත කරන්නටත් කටයුතු කරන බවත් පැවසීය.
