මේ වනවිට ජනාධිපතිවරයා සහ සමගි ජන බලවේගය එක් විය යුතු බව කියමින් ජනාධිපතිවරයාගේ පාර්ශ්වයෙන් විශාල ප්රචාරක ව්යාපාරයක් ගෙනයමින් සිටින ආකාරයක් දැකගන්නට තිබේ.Sri Lanka Latest News
විශේෂයෙන්ම අනුර කුමාර දිසානායක මහතා ඉදිරියට පැමිණ ඇති බවත්, ඔහු පරාජය කිරීමට නම් මේ දෙපාර්ශවය එක්විය යුතු බවත් කියමින් මෙම ප්රචාරය ගෙන යන ආකාරයක් දැකගන්නට තිබේ.
කෙසේවෙතත් ජනාධිපතිවරයාගේ පාර්ශවය ආරම්භයේ සිටම සිටියේ සමගි ජන බලවේගයේ මන්ත්රීවරුන් 25ක් පමණ ආණ්ඩුවට ගෙන සජබය දෙකට කඩා සජිත් ප්රේමදාස මහතාගේ දේශපාලනය අවසන් කිරීමේ මෙහෙයුමකය.
සතියකට වරක් පුවත් මවමින් සජබෙන් 30ක් එනවා, සජබෙන් 40ක් එනවා ආදී වශයෙන් විශාල ප්රචාරක ව්යාපාරයක්ද එකල ජනාධිපතිවරයාගේ පාර්ශවයෙන් දියත් කර තිබිණ.
නමුත් ආතක් පාතක් නැති, දේශපාලනයේ අවසන් අඩියේ සිටින දෙතුන් දෙනකු හැරෙන්නට අනාගතයක් ඇති කිසිදු අයකු ජනාධිපතිවරයා සමග සජබෙන් එක්වීමට ගියේ නැත.
ඉන් අනතුරුව ජනාධිපතිවරයාගේ පැත්තෙන් ගෙන ගිය ප්රචාරය වූයේ රවුෆ් හකීම් සහ රිෂාඩ් බදුර්දීන් යන සුලු පක්ෂ නායකයන් ආණ්ඩුව සමග එක් වනවාය කියාය.
නමුත් ඔවුන්ද ජනාධිපතිවරයාට සහාය දැක්වීමට ඉදිරිපත් වූයේ නැත.
පසුව දෙමළ ජාතික සන්ධානය ජනාධිපතිවරයාට සහාය දක්වන බවට ප්රචාරයක් ගෙන ගියේය.
නමුත් අද දිනයේදී දෙමළ ජාතික සන්ධානයද සජිත් ප්රේමදාස මහතාට සහාය පළ කරන බවට තීන්දු කළේය.
ඒ අනුව මේ වනවිට විපක්ෂයේ සිටින කිසිදු සුලු ජාතික පක්ෂයක සහාය ජනාධිපතිවරයාට ලැබෙන්නේ නැත.
මෙම තත්ත්වය යටතේ මේ වනවිට ජනාධිපතිවරයාගේ පාර්ශ්වයෙන් ගෙනයන අලුත්ම ප්රචාරයෙන් කියවෙන්නේ අනුර ඉදිරියෙන් සිටින බවත්, එම නිසා ජනාධිපතිවරයා හා සජබය එක්ව අනුර පරාජය කළ යුතු බවත්ය.
