1971 කැරැල්ල වෙලාවේ එකල බලයේ සිටි සිරිමාවෝ බණ්ඩාරනායකගේ ආණ්ඩුවට, චීනය ජනතා විමුක්ති පෙරමුණට උදව් කළ බවට ලොකු සැකයක් තිබුණි. කැරැල්ල පටන්ගත් දින කොළඹ වරායේ නවතා තිබූ ආයුධ සහිත චීන නැව ගැන ඇයට සැක සිතුණි. පසුව නැව කොළඹ වරායෙන් අතුරුදන්ව තිබුණි. කැරැල්ල වෙලාවේ අගමැතිනි බණ්ඩාරනායක මැතිනිය කැරැල්ලට සහාය දැක්වූවා කියා දකුණු කොරියා තානාපති කාර්යාලයේ රාජ්යතාන්ත්රික නිලධාරීන්ට රටින් පිටවෙන ලෙස නියෝග කළාය. එම නිලධාරීන් රටින් පිට වෙන විට ඔවුන්ට සුබ පතන්නට චීන තානාපති ගුවන් තොටුපළට ගොස් තිබුණි. කැරැල්ල අසාර්ථක වීමෙන් පසු චීන ජනාධිපති බණ්ඩාරනායක මැතිනියට ලියුමක් ලියා චීනය කැරැල්ලේදී ජනතා විමුක්ති පෙරමුණට උදව් කළ බවට ඇය තුළ ඇති වැටහීම වැරැදි යැයි පෙන්වා දුන්නේය. (Sri Lanka Latest News)
1987 ඉන්දු – ලංකා සාම ගිවිසුම වෙලාවේ චීනය ජනතා විමුක්ති පෙරමුණේ ඉන්දීය විරෝධයට සහාය දුන්නාද කියා කියන්න ආණ්ඩුවට තොරතුරු තිබුණේ නැත. නමුත් 1971 සිට ජනතා විමුක්ති පෙරමුණත් සමග චීනයට හොඳ සම්බන්ධතාවක් තිබුණි. ජනතා විමුක්ති පෙරමුණේ හිටපු නායක සෝමවංශ අමරසිංහ චීන කොමියුනිස්ට් පක්ෂය සමග සහයෝගිතා ගිවිසුමක්ද අස්සන් කොට තිබුණි. අනුර කුමාර එම පක්ෂයේ නායකයා වීමෙන් පසුවත් එම ගිවිසුම ඒ අයුරින්ම පවත්වාගෙන ගියේය. අනුර ඉන්දියාවට යෑමට පෙර අප්රකටව චීනයට ගොස් චීන ආණ්ඩුවේ නියෝජිතයන් හමුවිය. ජනතා විමුක්ති පෙරමුණ චීනය සමග ගනුදෙනුවලට එතරම් ප්රසිද්ධියක් දුන්නේ නැත. ඔවුන් ඉන්දියාව සහ බටහිර රටවල් සමග සමීප සබඳතා ඇති බවට මාධ්ය හරහා රටට පෙන්වන්න ලොකු උත්සාහයක් ගත්තේය. චීනයද තමන් සහ ජනතා විමුක්ති පෙරමුණ අතර ඇති සම්බන්ධය පෙන්වන්න ලොකු උත්සාහයක් ගත්තේ නැත. නමුත් පසුගිය සතියේ සවුත් චයිනා මෝනින් පෝස්ට් හි පළවූ ලිපියකින් චීනය මේ ජනාධිපතිවරණය ගැන බොහෝ බලාපොරොත්තු තබාගෙන ඉන්නා බව පෙනෙන්නට තිබුණි. පහත දැක්වෙන්නේ ඒ ලිපියේ කොටසකි.
චීනය හිතන්නේ අනුර කුමාර දිසානායක දිනුවොත් ගෝඨාභය සහ රනිල් වික්රමසිංහගේ ආණ්ඩු පෙන්වූ ප්රෝ ඉන්දියා ප්රතිපත්තිය වෙනස් වෙයි කියාය. අනුර කුමාර දිසානායක ඉන්දීය විරෝධී නායකයෙක් නොවුණාට ජනතා විමුක්ති පෙරමුණු පාක්ෂිකයන් තුළ තිබෙන ඉන්දීය විරෝධී මතවාදය වෙනස් කරන්න අනුර කුමාර දිසානායකට ලේසි නැත. චීනය බලාපොරොත්තු තබාගෙන ඇත්තේ ඒ ගැන විය යුතුය.
