පිට රටින් කිරි හරක් ගෙන්වීමේ ව්යාපෘතියකට මුවා වී මහ පරිමාණ මුදල් වංචාවකට සම්බන්ධ බව කියන හිටපු මැති-ඇමැති හතර දෙනකුට විරුද්ධව ළඟදීම. අධිකරණයේ නඩු පවරන බව සමස්ත ලංකා ගොවිජන සම්මේලනයේ ජාතික සංවිධායක නාමල් කරුණාරත්න මහතා පැවැසීය.Sri Lanka Latest News
ඩොලර් මිලියන එකොළහයි දශම නවයක් (11.9) වටිනා කිරි ගවයන් 20,000ක් පිටරටින් ගෙන්වීමේ මහ පරිමාණ වංචාවට සම්බන්ධ වගකිවයුතු මැති – ඇමැති නඩේට අඩුපාඩුවකින් තොරව නීතිය නිවැරැදිව ක්රියාත්මක කරන්නට ඒ අනුව පියවර ගන්නා බවද නාමල් කරුණාරත්න මහතා ප්රකාශ කළේය.
මේ මුදල් චංචාවට වගකිවයුතු හිටපු මැති-ඇමැතිවරු සිවු දෙනෙකුට සම්බන්ධයක් ඇති බවත් ඔවුන්ට විරුද්ධව පැහැදිලිවම නීතිය ක්රියාත්මක කර දඬුවම් ලබාදෙන බවත් ඒ මහතා කීය.
මේ කිරිගව වැඩසටහන යටතේ ගවයන් 20,000ක් පිටරටින් ආනයනය කරන්නට නියමිතව තිබියදී පළමු පියවර යටතේ ගවයන් 5,000ක් පමණ ගෙන්වීමට තීරණය කර තිබූ බවද ඒ මහතා කියා සිටියේය.
මෙම හරක් 5,000න් දැනට ජීවත්ව සිටින්නේ 300ක් බවත් හාරදහස් හත්සියයක්ම (4,700) මේ වන විට මියගොස් ඇති බවත් නාමල් කරුණාරත්න මහතා පැවැසීය.
එක් ගවයකු පිටරටින් මිලදී ගැනීමට රුපියල් ලක්ෂ 2ක් පමණ වැය කර ඇති බවත් ගව මඩුවකට හරකාගේ මිලට වඩා වැඩි මිලක් වැය වී ඇති බවත් ඒ මහතා මෙහිදී කියා සිටියේය.
මේ කිරි ගවයන් මිලදීගෙන අපහසුතාවකට පත් වූ මේ රටේ ගොවි ජනතාවට සාධාරණයක් ඉටු කරන්නට තමන් පියවර ගන්නා බවද නාමල් කරුණාරත්න මහතා වැඩිදුරටත් කියා සිටියේය.
