කොළඹ කොටුව දුම්රියපොළ ඉදිරිපිට මගී ගුවන් පාලම කඩිනමින් නඩත්තු කිරීමට වගකිවයුතු බලධාරීන් කටයුතු නොකළොත් විශාල ජීවිත අනතුරක් වැළැක්විය නොහැකි වනු ඇතැයි අවට වෙළඳුන් පවසනවා.
වසර 25කට අධික කාලයක සිට කිසිදු නඩත්තු කටයුත්තක් සිදු කිරීමට බලධාරීන්ගේ අවධානය යොමු නොවීම හේතුවෙන් මේ වන විට පාලම රඳා පවතින ප්රධාන කණු දිරාපත්ව ඇති බවත්, එහි පියගැටපෙළ ලිස්සන සුළු ගතියක් මෙන්ම ඇතැම් ස්ථානවල තහඩු දිරාපත්ව ඇති බවත් ඔවුන් පෙන්වා දෙනවා.
දිනකට විදේශිකයන් ඇතුළු මගි ජනතාව දහස් ගණනක් මෙම පාලම මතින් ගමන් කරන අතර, ජීවිකාව සරිකර ගැනීම සඳහා පාලම මත වෙfළඳාමේ යෙදෙන වෙළෙඳුන් ද දැකගත හැකියි.
අවට වෙfළඳුන් පවසන්නේ වගකිවයුතු බලධාරීන් මගි පාලමට කුඩම්මාගේ සැලකිලි දක්වා පැලැස්තර දැමීමට කාලයක සිට පෙළඹී ඇති බවයි.
කොළඹ නගරය මධ්යයේ පිහිටා තිබෙන මෙම මගී පාලම අත්යාවශ්ය කටයුත්තක් සේ සලකා කඩිනමින් පිළිසකර කර අහිංසක මගී ජනයාගේ ජීවිත ආරක්ෂා කර දෙන ලෙස ද ඔවුහු ඉල්ලා සිටිති.
dasathalankanews
