ශ්රී ලංකාවේ සිටින අමෙරිකානු තානාපතිනි ජූලි ජේ. චන්ග් (Julie J. Chung) සහ අධිකරණ අමාත්ය විජයදාස රාජපක්ෂ අතර හමුවක් අද (20) කොළඹ දී පවත්වා තිබෙනවා. සිය ට්විටර් ගිණුමේ සටහනක් තබමින් චන්ග් මහත්මිය ඒ බව පවසනවා.
ඇය පවසන්නේ එහිදී ප්රතිත්රස්ත පනත් කෙටුම්පතේ කරුණු සම්බන්ධයෙන් සාකච්ඡා කළ බවයි.
“ජාත්යන්තර ප්රමිතියෙන් තොර ප්රතිත්රස්ත පනත් කෙටුම්පතේ කරුණු සම්බන්ධයෙන් අපි සාකච්ඡා කළා. එම පනත් කෙටුම්පතේ කරුණු සම්බන්ධයෙන් ජනතාව අතර සහ පාර්ලිමේන්තුව තුළ පුළුල් අදහස් හුවමාරුවක් අවශ්ය බව පැවසුවා” යි ඇය කියනවා.
අදහස් ප්රකාශ කිරීමේ හෝ රැස්වීමේ නිදහස සීමා නොකර සිවිල් සමාජය, අධ්යාපනවේදීන් මෙන්ම මන්ත්රීවරුන්ගේ වැනි සියලුදෙනාගේ හඬට ඇහුම්කන් දී මෙම නව නීතිය ත්රස්තවාදයට එරෙහි සටනේ ඵලදායී මෙවලමක් කරගත යුතුබව තානාපතිනිය පවසා තිබෙනවා.
අධිකරණ,බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්ය ජනාධිපති නීතිඥ, ආචාර්ය විජයදාස රාජපක්ෂ පවසන්නේ තමා සහ ශ්රී ලංකාවේ ඇමෙරිකානු තානාපතිනී ජුලී ජේ.චන්ග් අතර හමුවක් අධිකරණ අමාත්යාංශයේ දී අද පෙරවරුවේ සිදු වූ බවයි.
“රජය විසින් පාර්ලිමේන්තුවට ඉදිරිපත් කිරීමට නියමිත නව ප්රති ත්රස්ත පනත් කෙටුම්පත පිළිබදව හා මේ වන විට ශ්රී ලංකාව විසින් අත් කර ගෙන ඇති ආර්ථික ප්රගතිය ඇතුළු කරුණු සම්බන්ධයෙන් අධිකරණ අමාත්යතුමා විසින් තානාපතිනිය දැනුවත් කළේය” යි ඔහු සඳහන් කරනවා.
Met w/ Minister of Justice @wijerajapakshe today. I discussed our concerns with aspects of the Anti-Terrorism Bill that fall outside of international standards, and shared our strong desire to see extensive public & parliamentary discussions on the bill. pic.twitter.com/4drADOCVTQ
— Ambassador Julie Chung (@USAmbSL) April 20, 2023
It is important that all voices – including civil society, academia, and lawmakers – are considered to ensure the legislation serves as an effective tool for combatting terrorism without restricting freedom of expression or assembly.
— Ambassador Julie Chung (@USAmbSL) April 20, 2023
