ශ්රී ලංකාවේදී වධ හිංසා කිරීම සහ නිසි රැකවරණයක් ලබා නොදීම නිසා මුතුරාජා හස්තියා රුසියානු ගුවන් යානයකින් තායිලන්තයට අද උදෑසන නැවත රැගෙන ගියා. ඒ සදහා රුසියානු ගුවන් යානයක් කටුනායකට පැමිණි අතර තායිලන්ත රජය මුතුරාජ නැවත රැගෙන යාමට ශ්රී ලංකා මුදලින් රු. කෝටි 21කට අධික මුදලක් වැය කලා.
තායි රජ පවුල විසින් 2001 දී ශ්රී ලංකා රජයට ත්යාගයක් ලෙස ඇතා ලබා දුන් අතර, ඇතා මුතුරාජා ලෙස නම් කර ආගමික පෙරහැරවල ගෞරවනීය භූමිකාවක් ලබා දීමට තෑගී කරන ලදී.
කෙසේ වෙතත්, Rally for Animal Rights and Environment හෙවත් RARE යන ක්රියාකාරී කණ්ඩායම, දිගු කලක් තිස්සේ චෝදනා කලේ මුතුරාජාට නිසි රැකවරණයක් ලබා නොදෙන බවයි. ඒ සදහා වීඩියෝ දර්ශනද ජාත්යන්තර මාධ්ය තුල පළවුණා.
‘මෙය අවසානය නොවේ, නමුත් මුතුරාජාගේ නව ජීවිතයක ආරම්භය,’ RARE සමූහයේ නිර්මාතෘ පංචාලි පනාපිටිය පැවසීය.
පසුගිය නොවැම්බරයේදී ඇතා ප්රතිකාර සදහා ශ්රී ලංකාවේ දෙහිවල සත්වෝද්යානය වෙත මාරු කළා.
මුතු රාජා රැගත් Ilyushin IL-76 භාණ්ඩ ප්රවාහන ගුවන් යානය අද උදෑසන 7:40 (GMT 0210 GMT) ට පමණ ගුවන් ගත වූ බව ගුවන් තොටුපළ කළමනාකාරවරයා පැවසීය.
හස්තියා තායිලන්තයට රැගෙන යාමෙන් පසු ස්වභාවික රක්ෂිතයක නිරෝධායනය කිරීමට නියමිතයි.
