මාධ්ය සාකච්ඡාවක් පවත්වමින් තම පක්ෂයේම කැබිනට් ඇමැතිවරුන් දෙදෙනකු විවේචනය කළ පාර්ලිමේන්තු මන්ත්රී ජගත් කුමාර මහතා සම්බන්ධයෙන් විනය කමිටුව රැස්වී සුදුසු පියවරක් ගන්නා බව පක්ෂයේ මහ ලේකම් නීතිඥ සාගර කාරියවසම් මහතා පැවැසීය.
ඉතාලියේ සංචාරයක යෙදී සිටින අගමැතිවරයා මෙරටට පැමිණි පසු විනය කමිටුව රැස් කිරීමට බලාපොරොත්තු වන බවද හෙතෙම සඳහන් කළේය.
ජගත් කුමාර මහතා මාධ්ය සාකච්ඡාවක් පවත්වමින් මෙසේ විවේචනයට ලක් කර ඇතැයි පැවසෙන්නේ මහජන ආරක්ෂක අමාත්ය සරත් වීරසේකර සහ විදුලි බල අමාත්ය ගාමිණී ලොකුගේ යන දෙදෙනාය.
පොලිස් ස්ථානාධිපතිවරයකු මාරු කර යවා තමාගේ දේශපාලන කටයුතුවලට බාධා පමුණුවා ඇතැයි ජගත් කුමාර මන්ත්රීවරයා එහිදී චෝදනා කර තිබිණ.
මේ සිද්ධිය පදනම් කරගෙන ජගත් කුමාර මහතා ජනාධිපතිවරයාට ලිපියක් යොමු කරමින් පාදුක්ක ප්රාදේශීය සම්බන්ධීකරණ කමිටුවේ සභාපති ධූරයෙන්ද ඉකුත් 17 වැනිදා ඉල්ලා අස්විය .
මේ සම්බන්ධයෙන් අදහස් දැක්වූ අමාත්ය සරත් වීරසේකර මහතා පැවසුවේ අවශ්ය පුද්ගලයන් දැනුවත් කර ජගත් කුමාර මන්ත්රීවරයාට එරෙහිව සුදුසු පියවර ගන්නා බවයි.
ජගත් කුමාර මන්ත්රීවරයා කරන චෝදනාව ප්රතික්ෂේප කරන බවද හෙතෙම සඳහන් කළේය.
