කෝප් කමිටු සභාපති රංජිත් බණ්ඩාර මහතා අත්‍යවශ්‍ය සහ වැදගත් මාතෘකා ඇතුළත් විගණන වාර්තා පසෙකට තබා අවශේෂ කරුණු ඉදිරියට ගෙන ඇති බවට සජබ පාර්ලිමේන්තු මන්ත්‍රී එස්.එම්. මරික්කාර් මහතා අද තවත් චෝදනාවක් එල්ල කළේය.
ඒ මහතා පෙන්වා දුන්නේ තමන් 2002-06-30 වැනි දින ලිට්‍රෝ ගෑස් මිලදී ගැනීම පිළිබදව පළමු ලිබිය ඉදිරිපත් කළ බවත්, අනතුරුව 2022-10-26 දින නැවත වතාවක් ලිට්‍රෝ ගෑස් සහ තෙල් සංස්ථාව කෝප් කමිටුව හමුවට කැදවන ලෙස ඉල්ලා සිටියද තවමත් එය සාකච්ඡාවට ගෙන නොමැති බවය.
එමෙන්ම 2023-07-23 වැනි දින ඩොලර් මිලියන 6.9ක කාබනික පොහොර වංචාව පිළිබද සාකච්ඡා කිරීමට අදාළ ආයතන කැදවන ලෙස ලිඛිත ඉල්ලීමක් කළද මෙතෙක් එය ඉටු කර නොමැති බවද මන්ත්‍රීවරයා පෙන්වා දුන්නේය.
ඊට අදාළ ලිපි 3ම සභාගත කිරීමටද මරික්කාර් මහතා කටයුතු කළේය.
Sri Lanka Latest News
