නීති විද්යාලායට ප්රවේශ වීමේ විභාග ගාස්තු 2023.01.05 අංක 2313/ 49 ගැසට් පත්රය මඟින් ඉතා විශාල ලෙස ඉහළ දමා ඇති බවත් එය සියයට 257ක වැඩිවීමක් බවත් මේ සම්බන්ධයෙන් අධිකරණ ඇමතිවරයාගේ අවධානය මීට පෙර යොමු කළ බවත් ඊට නිසි පිළිතුරක් නොලැබූ බවත් විපක්ෂ නායක සජිත් ප්රේමදාස මහතා අද (22) පාර්ලිමේන්තුවේ දී පැවසීය.Sri Lanka Latest News
නීති විද්යාලයේ ප්රවේශ විභාග ගාස්තුවත් සියයට 150කින් වැඩි කර ඇති බවත් එය සිසුන්ට දරාගත නොහැකි බවත් ඒ අනුව 1 වැනි වසරේ සිසුන්ට රුපියල් 67500ක් ගෙවීමට ඇති බවත් එය වාරික දෙකකින් 40000 හා 27500 ලෙස වෙන් කර ඇති බවත් එම 27500ත් ගෙවාගත නොහැකිව 15000 හා 12500 ලෙස වෙන් කර ඇති බවත් මෙය බරපතල ප්රශ්නයක් බවත් විපක්ෂ නායකවරයා පැවසීය.
එසේ ම විභාග ගාස්තුත් 2500කින් වැඩි කළ පසු විෂයන් 8ට අමතර රුපියල් 20000ක් ගෙවීමට සිදුවන බවත් මේ සම්බන්ධයෙන් නැවත අවධානය යොමු කරන ලෙසත් පැවසූ විපක්ෂ නායකවරයා කියා සිටියේ ගාස්තු වැඩිකළ පදනම කුමක්ද කියා විමසන බවත් ගාස්තු වැඩිකළ යුතු නම් එය සිසුන්ට හිතකර අයුරින් විය යුතු බවත් ය.
මෙම ඇතුළුවීමේ ගාස්තු, විභාග ගාස්තු හා ලියාපදිංචි ගාස්තු වැඩි විම අත්හිටුවා සමාලෝචනයක් කරන ලෙසත් මේ සදහා සාධනීය විසදුමක් අවශ්ය බවත් විපක්ෂ නායකවරයා මෙහි දී පැවසීය.
