ඊශ්රාලයේ ප්රහාරයකින් ඉරානයේ උත්තරීතර ජාතික ආරක්ෂක කවුන්සිලයේ ලේකම්, අලි ලරිජානි ඝාතනය වී ඇති බව ඉරානය විසින් තහවුරු කර තිබේ.Sri Lanka Latest News
ඉරානයේ උත්තරීතර ජාතික ආරක්ෂක කවුන්සිලය අද (18) නිවේදනයක් නිකුත් කරමින් ලරිජානිගේ මරණය තහවුරු කර ඇති අතර, ඔහු විසින් ඉරානය වෙනුවෙන් කළ සේවයෙන් ඇගයිමකට ලක් කර ඇත.
ඊශ්රායල ආරක්ෂක අමාත්යාංශය විසින් ඊයේ ප්රකාශ කර තිබුණේ ඉරානයේ ප්රධාන ආරක්ෂක නිලධාරියා වූ අලි ලාරිජානි (Ali Larijani) ඝාතනය වී ඇති බවටය.
ඔහු ඉරානයේ ආරක්ෂක තීරණ ගන්නා ප්රධානතම පුද්ගලයා වූ බැවින්, මෙම මරණය වත්මන් යුද තත්ත්වයට විශාල බලපෑමක් එල්ල කරනු ඇති බව වාර්තා වෙයි
අලි ලාරිජානි ඉරානයේ උපරිම ජාතික ආරක්ෂක මණ්ඩලයේ (SNSC) ලේකම්වරයා ලෙස 2025 අගෝස්තු මාසයේදී පත් කරන ලදි.
මේ අතර, ඔහු ඉරාන ජනාධිපතිවරයාගේ සහ නැසීගිය උත්තරීතර නායක අයතුල්ලා අලි කමේනිගේ නියෝජිතයෙකු ලෙසද කටයුතු කර ඇත.
මේ අතර අමෙරිකානු ජාතික ත්රස්ත මර්දන මධ්යස්ථානයේ අධ්යක්ෂ ජෝසප් කෙන්ට් එම ධුරයෙන් ඉල්ලා අස්වී තිබේ.
ජනාධිපති ඩොනල්ඩ් ට්රම්ප් වෙත යොමු කළ සිය ඉල්ලා අස්වීමේ ලිපිය මඟින් වත්මන් ඉරාන යුද්ධය පිටුපස ඇති කුමන්ත්රණකාරී ස්වභාවය පිළිබඳව තවදුරටත් කරුණු හෙළිකර ඇති බව විදෙස් වාර්තා සඳහන් කළේය.
ඩොනල්ඩ් ට්රම්ප්ගේ පළමු ධුර කාලය තුළදී, නිමාවක් නොමැති යුද්ධවලට අමෙරිකාව පටලවා නොගෙන මිලිටරි බලය තීරණාත්මක ලෙස භාවිතා කරන්නේ කෙසේද යන්න පිළිබඳව ඔහුට මනා අවබෝධයක් තිබූ බව කෙන්ට් පෙන්වා දී තිබේ.
කෙසේ වෙතත්, ට්රම්ප්ගේ දෙවන ධුර කාලය ආරම්භයේදීම උසස් ඊශ්රායල නිලධාරීන් සහ අමෙරිකානු මාධ්යවල සිටින බලගතු පිරිස් එක්ව ඉතා සූක්ෂ්ම ලෙස වැරදි තොරතුරු ප්රචාරය කිරීමේ ව්යාපාරයක්
ක්රියාත්මක කළ බවට ඔහු චෝදනා කරයි.
එමඟින් ට්රම්ප්ගේ පළමුව අමෙරිකානු ප්රතිපත්තිය සම්පූර්ණයෙන්ම යටපත් කර, ඉරානය සමඟ යුද්ධයකට අවශ්ය වටපිටාව සකස් කළ බව ඔහු පවසයි.
එම ලිපියේ දැක්වෙන්නේ ඉරානයෙන් අමෙරිකාවට ක්ෂණික තර්ජනයක් පවතින බවටත්, දැන්ම ප්රහාර එල්ල කළහොත් ඉතා ඉක්මන් ජයග්රහණයක් කරා යා හැකි බවටත් ට්රම්ප්ව මුළා කර ඇති බවය.
මෙය අතීතයේදී ඉරාක යුද්ධයට අමෙරිකාව පටලවා ගැනීම සඳහා ඊශ්රායල භාවිතා කළ උපක්රමයක් බවද ජෝ කෙන්ට් සිය ලිපිය මඟින් දැඩිව අවධාරණය කර ඇති බව සඳහන්ය.
45 හැවිරිදි කෙන්ට්, එක්සත් ජනපද විශේෂ බලකායේ සහ CIA ප්රවීණයෙක් ද වේ.
හමුදා සාමාජිකාවක වූ ඔහුගේ බිරිඳ ෂැනන් කෙන්ට් 2019 දී සිරියාවේ සිදු වූ මරාගෙන මැරෙන බෝම්බ ප්රහාරයකින් මිය ගොස් ඇති බවඳ සඳහන්ය.
