ප්රවාහන, මහාමාර්ග හා නාගරික සංවර්ධන අමාත්යාංශයේ ලේකම් මහාචාර්ය කපිල පෙරේරා මහතා සිය ධුරයෙන් ඉල්ලා අස්වීමට තීරණය කර ඇති බව වාර්තා වේ.Sri Lanka Latest News
කපිල පෙරේරා මහතා සිය තීරණය සම්බන්ධයෙන් ජනාධිපති අනුර කුමාර දිසානායක මහතාවද දැනුම්වත් කර ඇති බවත්, ලේකම් ධුරයෙන් ඉවත් වන බව රාජ්ය පරිපාලන, පළාත් සභා හා පළාත් පාලන අමාත්යාංශයටද නිල වශයෙන් දැනුම් දී ඇති බවද වාර්තා වේ.
මහාචාර්ය කපිල පෙරේරා මහතා විශ්වවිද්යාල සේවයේ සිට රාජ්ය සේවය වෙත පැමිණ ඇති අතර රජ්ය සේවයේ ඔහුගේ කාලය අවසන් වීමත් සමඟ මෙලෙස ඉල්ලා අස්වීමට තීරණය කර ඇති බවද වාර්තා වෙයි.
ලේකම් ධුරයෙන් ඉවත් වීමෙන් අනතුරුව මහාචාර්ය කපිල පෙරේරා මහතා යළි විශ්වවිද්යාල සේවයට එක්වීමට සූදානම් වන බව සඳහන්ය.
ඔහු මොරටුව විශ්වවිද්යාලයේ උපකුලපතිවරයෙකු ලෙසද කටයුතු කර ඇත.
මේ අතර මධ්යම අධිවේගි මාර්ගයේ තුන්වැනි කොටසේ දෙවැනි අදියර යටතේ රඹුක්කන සිට ගලගෙදර දක්වා කොටසේ ඉදිකිරීම් කටයුතු අද (29) ජනාධිපති අනුර කුමාර දිසානායකගේ ප්රධානත්වයෙන් ආරම්භ කිරීමට නියමිතය.
මාර්ග සංවර්ධන අධිකාරියේ අධ්යක්ෂ ජනරාල් අනුරාධ හෙට්ටිආරච්චි මහතා සඳහන් කළේ, කිලෝමීටර් 18.7ක දුර ප්රමාණයක් මෙම අදියර යටතේ සංවර්ධනය කිරීමට සැලසුම් කර ඇති බවය.
ව්යාපෘතියේ පළමු අදියර යටතේ පොතුහැර සිට රඹුක්කන දක්වා කොටසේ ඉදිකිරීම් මේ වනවිට සිදු කෙරෙන අතර, එම කටයුතු ලබන වසරේ මැද භාගය වනවිට අවසන් කිරීමට අපේක්ෂා කෙරෙන බව වාර්තා වෙයි.
පළමු අදියර සඳහා රුපියල් බිලියන 78ක මුදලක් වැය වන අතර, දෙවැනි අදියරේ රඹුක්කන සිට ගලගෙදර දක්වා කොටස සංවර්ධනය කිරීම සඳහා රුපියල් බිලියන 112.4ක මුදලක් වැය කිරීමට නියමිතය.
මෙම ව්යාපෘතිය සඳහා අවශ්ය සියලුම අරමුදල් දේශීය අරමුදල් මගින් සපයා ඇති අතර, ඉදිකිරීම් කටයුතු දේශීය කොන්ත්රාත් සමාගම් විසින් සිදු කරනු ලබයි.
